Kynning og afgreiðsla nýrra samninga

Unnið er að gerð kynningarefnis um nýjan kjarasamning sem undirritaður var í gærkvöldi.  Upp úr helgi ætti efnið að verða til og verður þá m.a. birt hér á heimasíðu félagsins - á íslensku, pólsku og ensku.  Þá er verið að undirbúa kynningarfundi sem haldnir verða á flestum þéttbýlisstöðum félagssvæðisins.  Ef félagsmenn óska eftir kynningu á vinnustað sinn þá er þeim bent á að hafa samband á This email address is being protected from spambots. You need JavaScript enabled to view it. eða í gegnum trúnaðarmann sinn og mun félagið verða því við þeim óskum eftir fremsta mætti.

Kjarasamningurinn verður afgreiddur í atkvæðagreiðslu á heimasíðu AFLs - á mínum síðum.  Því er mikilvægt fyrir félagsmenn að tryggja sér aðgang að "mínum síðum" en til þess þarf farsímanúmer og/eða netfang að vera skráð í kerfum AFLs.  Hægt er að koma þessum upplýsingum áleiðis til félagsins með pósti á This email address is being protected from spambots. You need JavaScript enabled to view it..  Opnað verður fyrir kosningu seinnipart næstu viku eða um svipað leyti og kynningar hefjast.