Orlofshús - orlofsíbúðir: Tvær tilkynningar

Laus tímabil í orlofshúsum félagsins í sumar verða í dag boðin á orlofsvef félagsins án úthlutunar.  Þeir sem fengu úthlutað hafa nú greitt leigu sína að fullu og þeir sem eru á biðlista hafa haft tök á að þiggja óúthlutuð tímabil og því verða þau tímabil sem út af standa - boðin á vef félagsins í dag.  Þeir sem eru á biðlista halda stöðu sinni þar áfram.

Fyrirvari til að afbóka íbúðarleigu og fá endurgreiðslu hefur verið lengdur í 5 daga og gildir það frá og með morgundeginum.  Þegar Covid-19 faraldurinn skall á - stytti félagið frest til afbókunar úr 10 dögum niður í 0 - þar sem mannamótum var aflýst og lækniserindi afboðuð.  Íbúðir okkar hafa staðið hálftómar síðan en nú er eftirspurn orðin verulega meiri og því ástæða til að herða endurgreiðslureglurnar aftur.  Það verður gert í skrefum - þ.e. í 5 daga núna en búast má við að 10 daga reglan taki við fljótlega eða um mánaðarmót.