Verð á flugávísunum með Flugfélaginu Erni sem AFL selur hækkar í dag í kr. 16.400. Þetta er veruleg hækkun en að sögn flugfélagsins er hækkunin vegna verulegra hækkana á eldsneyti. Verð á þessum flugávísunum hefur verið kr. 13.500 í nokkuð langan tíma og hefur félaginu tekist að halda verðinu niðri með því að kaupa mikið magn í hvert sinn.
Þau tímabil í orlofshúsum AFLs í sumar sem ekki fóru í úthlutun félagsins eru nú laus til bókunar á orlofsvef félagsins. Það eru allnokkur tímabil laus og þá aðallega fyrripart júní og seinnipart ágústmánaðar.
Það er ennþá talsvert laust á Einarsstöðum. Á Illugastöðum er aðeins laus ein vika snemma í júní og ein síðast í ágúst. Í Ölfusborgum er aðeins síðasta vikan í ágúst laus. Í Minniborgum eru lausar vikur í ágúst og svo ein í júní. Í Brekkuskógi er ekkert laust. Í Svignaskarði er fyrsta vikan í júní laus. Í Birkihlíð er síðasta vika sumarsins laus. Á Glaðheimum er ein vika um miðjan júní laus og svo tvær síðustu vikur sumarsins. Í þurranesi eru tvær vikur lausar í júní og svo síðasta vika sumarsins. Það er talsvert laust í Klifabotni í Lóni og þá aðallega seinnipart sumars en ein vika í júní.
Ef byggja má á reynslu fyrri ára þá verður nánast 100% nýting á húsum félagsins í sumar og því rétt að félagsmenn bóki sem fyrst. Bókað er á orlofsvef félagsins á "mínum síðum" á www.asa.is
Nýtt og spennandi námskeið fyrir pólskumælandi hjá NTV í samstarfi við MíMI.
SZKOLA BIUROWA NTV I ISLANDZKI W PRACY BIUROWEJ MÍMIR- KURS ONLINE
W przypadku pracy biurowej znajomosc komputera jest kluczowa. Oferujemy Panstwu szkolenie biurowo-komputerowe, które jest skierowane do osób pragnacych rozszerzyc swoje umiejetnosci zawodowe lub zmienic profil zatrudnienia. Kurs obejmuje równiez nauke jezyka islandzkiego potrzebnego do pracy w biurze. Kurs jest przeznaczony glwwnie dla osób z niepelnym wyksztalceniem. Kolejny kurs rozpoczyna sie 25 kwietnia i potrwa do 10 czerwca 2022. Zapisy trwaja.
Framkvæmdastjórn lýsir yfir þungum áhyggjum af vaxandi verðbólgu sem bitnar hvað harðast á láglaunafólki. Útlit er fyrir að húsnæðisverð og hækkun hrávöruverðs muni hafa áframhaldandi áhrif á hækkandi verðlag. Að mati Starfsgreinasambandsins hafa stjórnvöld misst tökin á húsnæðismarkaðinum sem meðal annars hefur orðið til þess að verðbólga fer áfram vaxandi og mælist nú 7,2%. Húsaleiga og húsnæðiskuldir heimilanna í landinu hafa hækkað gríðarlega sem og matarverð.
Afar mikilvægt er að stjórnvöld bregðist við með hagsmuni launafólks í huga. Framkvæmdastjórn Starfsgreinasambandsins skorar á stjórnvöld að beita sér fyrir því að afleiðingar af breyttum ytri aðstæðum bitni ekki harðast á láglaunafólki í landinu og kjörum þess.
Á aðalfundi AFLs sl. laugardag var samþykkt að taka upp "barneignastyrki" til félagsmanna. Félagsmenn geta því sótt um "barneignarstyrk" við fæðingu eða ættleiðingu skv. reglum félagsins. Einnig er veitt aðstoð við fósturlát eða andvana fæðingu - ef meðganga hafði staðið lengur en 18 vikur. Fullur barneignastyrkur er kr. 150.000.
Til að fá fullan fæðingarstyrk þarf viðkomandi að hafa verið greiðandi félagsmaður í að lágmarki 12 mánuði fyrir barnsburð og af launum sem nema að lágmarki lágmarkslaunum skv. kjarasamningum. Af lægra starfshlutfalli eða styttri félagsaðild greiðist hlutfallslegur styrkur. Ekki er greiddur barneignarstyrkur ef félagsaðild er skemmri en sex mánuðir fyrir barnsburð.
Einnig er hægt að sækja um styrk vegna ættleiðingar barns undir 12 ára aldri enda hafi verulegur kostnaður verið ættleiðingunni samfara.
Ef báðir foreldrar eru félagsmenn fá báðir fullan styrk og ef um tvíburafæðinu er að ræða greiðist tvöfaldur styrkur.
Reglugerðarbreyting Sjúkrasjóðs kemur á heimasíðu félagsins á næstu dögum. Unnt verður að sækja um fæðingarstyrk á "mínum síðum" á www.asa.is síðar í þessari viku en verið er að setja styrkinn upp í kerfi félagsins.
Ath. - barneignastyrkur gildir frá síðustu áramótum þannig að félagsmenn sem eignast hafa börn frá áramótum eru hvattir til að sækja um síðar í vikunni.
