Þann 1. júní eiga starfsmenn sem verið hafa samfellt í starfi hjá atvinnurekanda í 12 vikur á síðustu 12 mánuðum m.v. 30. apríl eða eru í starfi 1. maí, að hafa fengið greidda orlofsuppbót, uppbótin miðast við starfshlutfall og starfstíma á árinu. Orlofsuppbót innifelur orlof, er föst tala og tekur ekki breytingum skv. öðrum ákvæðum. Sjá Upphæðir orlofsuppbóta

Fimmtíu trúnaðarmenn frá Starvsmannafelaginu í Færeyjum komu í heimsókn á skrifstofu AFLs á Reyðarfirði nú fyrir hádegi. Trúnaðarmennirnir eru í kynningarferð á íslandi, liður í að þjappa hópnum saman. Starvsmannafelag Færeyja er stærsta fagfélag almennra starfsmanna ríkis og sveitafélaga eða með um 2.200 féglasmenn, sem koma víðsvegar af eyjunum. 

Frá og með 1. júní mun AFL Starfsgreinafélag taka yfir þjónustu við þá atvinnuleitendur á Austurlandi sem eru félagsmenn í aðildarfélögum ASÍ.

Þrátt fyrir að lög um launajafnrétti er kynbundinn launamunur enn til staðar í íslensku samfélagi..
Í viðhorfskönnun félagsins frá því í vetur mælist kynbundin launamundur meðal félagsmanna  8.7% þegar tekið hefur verið tillit til línulegrar aðhvarfgreininar (aldur, starf, vinnufyrirkomulag og fjölda vinnustunda).
Í gær var kynntur  nýr staðall, jafnlaunastaðall,  sem tæki í baráttunni fyrir fullu  launajafnrétti kynjanna. Í kjarasamningum í febrúar 2008 náðist samkomulag um upptöku hans. Staðallin hefur verið í vinnslu síðan og er nú tilbúinn til notkunnar.

Átaksverkefni ASÍ, SA og RSK "Leggur þú þitt af mörkum" hefur skilað talsverðum mælanlegum árangri. Samkvæmt niðurstöðum könnunar var um 11,9% starfsmanna hjá fyrirtækjum sem skoðuð voru 2011 í svartri vinnu en í sambærilegri könnun á fyrstu mánuðum 2012 voru 7,6% starfsmanna í svartri vinnu. Átakið fór fram þannig að fulltrúar vinnustaðaeftirlits ASÍ og aðildarfélaga, SA og fulltrúar RSK heimsóttu fyrirtæki og skoðuðu m.a. vinnustaðaskírteini.