AFL Starfsgreinafélag fordæmir alla tilburði launagreiðanda til að stofna eigin stéttarfélag og þvinga starfsfólk til þátttöku í þeim. Gerfistéttarfélagið Virðing er skýrt dæmi um félagsleg undirboð og misneytingu launagreiðenda. Svokallaður kjarasamningur félagsins ber þess skýrt merki að þar sátu fulltrúar launagreiðenda hringinn í kringum borðið og sömdu við sjálfa sig um hvaða kjör þeir hyggjast bjóða starfsfólki.
AFL Starfsgreinafélag lýsir fullum stuðningi við baráttu Eflingar við þessi launagreiðendasamtök á höfuðborgarsvæðinu og Einingar Iðju við sömu samtök á Eyjafjarðarsvæðinu.
AFL mun fylgjast grannt með ástandi í veitinga—og gistihúsaumhverfinu á félagssvæði sínu og grípa til harðra aðgerða ef þetta gerfifélag gerir vart við sig á svæðinu.
Nú er til umfjöllunar í bæjarstjórn Fjarðabyggðar veruleg hækkun leikskólagjalda - og mun hækkunin nema allt frá 46%- 66% fyrir börn í vistun 8 – 8,5 klst. daglega. Að auki er svokölluðum skráningardögum fjölgað – en það eru dagar sem ekki eru innifaldir í mánaðargjaldinu – og greiða þarf sérstaklega fyrir dagvistun þessa daga.
Síðustu ár hafa svokallaðir starfsdagar kennara og leikskólastarfsfólks farið heldur fjölgandi og skólum og leikskólum er almennt lokað þessa daga. Þá hefur líka færst í vöxt að einstaka deildum leikskóla sé lokað dag og dag vegna manneklu og fá þá foreldrar skilaboð um að koma ekki með börn sín – eða um að koma og sækja börnin.
Aðstöðumunur foreldra til að bregðast við þessum aðstæðum er gríðarlega misjafn. Margir geta unnið heiman frá sér einstaka daga í samkomulagi við launagreiðanda. Sumir eiga sér gott bakland – afa og ömmur og ættingja sem mögulega eru komnir af vinnumarkaði og hlaupa undir bagga.
En fyrir aðrar er ástandið alvarlegra – fiskvinnslustarfsmaður eða starfsmaður á lyftara taka ekki börn með sér í vinnuna né vinna heiman frá sér. Starfsmaður á bráðadeild á sjúkrahúsi tekur ekki með sér barn í vinnuna eða stekkur úr vinnu til að sækja barnið sitt af því að leikskóladeildin er illa mönnuð – því að öllum líkindum er bráðadeildin ekkert betur mönnuð en þar stendur fólk samt og sinnir sínum verkum.
Launafólk af erlendum uppruna á oft lítið bakland hér á landi og það eru engar ömmur eða afar í næsta húsi sem geta sótt á leikskólann eða sinnt börnunum á meðan leikskólastarfsmenn halda fundi.
Efnahagsleg áhrif af þessu ástandi koma einnig gríðarlega mismunandi niður á fjölskyldum. Það má leiða líkur að því að því ”hærra” í samfélaginu sem fólk er – því minni séu fjárhagslegu áhrifin. Almennt verkafólk þarf yfirleitt að stimpla sig út þegar það fer af vinnustað – eða skrá sig af vakt þegar það þarf að vera heima. Aðrir og þeir ”hærra” settu ”vinna” að heiman þessa daga og verða ekki fyrir tekjutapi.
Leikskólar hafa í hugum fólks tvíþættan tilgang – uppeldis-og kennsluhlutverk og síðan ”gæsluhlutverk” en atvinnulífið gengur alls ekki nema fólk hafi tryggan stað fyrir börn sín á meðan það vinnur fyrir launum.
Með þessari þróun sem virðist í gangi meðal sveitarfélaga um land allt – verða leikskólar smátt og smátt einhvers konar einkaskólar þeirra betur megandi – þeirra sem geta verið heima á starfsdögum og greitt æ hærri leikskólagjöld – á meðan tekjulægra fólkið og þeirra sem ekki hafa bakland verður að leita annarra leiða.
Hækkunin sem til umfjöllunar er í Fjarðabyggð er sögð til að ”létta álag” af starfsfólki og skráningardagar eru til að koma til móts við vinnutímastyttingu í kjarasamningum. Það hlýtur að kalla á skoðun á því hvort Samtök Sveitarfélaga hafi í raun vitað hvað þau voru að gera þegar samið var um vinnutímastyttinguna – sem átti ekki að hafa áhrif á þjónustustigið. Sem er að gerast. Þetta átti heldur ekki að vera til verulegs kostnaðarauka – sem er að gerast.
Vegna áréttingar Vatnajökulsþjóðgarðs óskar formaður AFLs Starfsgreinafélags eftir að koma eftirfarandi á framfæri
Það eru ánægjulegar upplýsingar að þjóðgarðurinn hafi gert samkomulag um samningslok við umræddan rekstraraðila sem verið hefur með veitingastarfsemi í Skaftafelli.
Jafnframt er vonast til að þjóðgarðurinn vandi sig betur næst við val á rekstraraðila, standi á annað borð til að bjóða út reksturinn.
Það vekur sérstaka athygli að þjóðgarðinn lætur að því liggja að lögmaður hans hafi logið í formanninn þegar hann upplýsti að samningur við umræddan aðila hafi verið framlengdur í 3 ár.
Símtal lögmannsins eru einu samskiptin sem fulltrúar þjóðgarðsins hafa haft frumkvæði af við AFL , þrátt fyrir að fullyrt sé að það hafi verið leitað fulltingisins verkalýðsfélaga vegna umrædds máls.
Hafi þjóðgarðurinn sett sig í samband við önnur verkalýðsfélög, vegna starfsmannamála í veitingasölunni í Skaftafelli þá kallar það á enn aðrar spurningar, þar sem starfsemin er rekin á félagssvæði AFLs.
Í áréttingu Vatnajökulsþjóðgarðs er síðan fullyrt að ekkert hafi komið út úr eftirliti verkalýðsfélaga né lögreglu. Þó liggur fyrir að endurtekið hefur þurft að innheimta vangoldin laun starfsmanna, starfsmenn hafa verið við störf sem án starfsréttinda hérlendis, en upplýsingar um það berast Vinnumálastofnun, auk þess að lögregla hefur þurft að aðstoða fólk við að komast í burtu eftir ofbeldishótun á vinnustaðnum.
Að mati formannsins sæmir það ekki opinberri stofnun að fjalla af slíkri léttúð um jafn alvarleg málefni og hér eru rakin .
AFL Starfsgreinafélag kallar eftir samfélagslegri ábyrgð stofnana ríkisins.
Meirihluti bæjarstjórnar í Fjarðabyggð undirbýr nú hækkun leikskólagjalda langt umfram öll viðmið – eða allt að 46% - 66% hækkun fyrir börn í fullri dagvistun. Samkvæmt heimildum okkar nemur hækkunin 46% fyrir 8 tíma dagvistun og 66% vegna 8,5 tíma dagvistunar.
Við höfum borið þessar upplýsingar undir bæjarstjóra Fjarðabyggðar en ekki fengið nein viðbrögð.
Skv. heimildum AFLs hefur þessi hækkun þegar farið í gegnum Fjölskyldunefnd Fjarðabyggðar og var afgreidd í Bæjarráði nú í morgun og fer því fyrir bæjarstjórnarfund á fimmtudag.
Auk ofangreindra hækkana, er boðuð upptaka ,,skráningardaga“ og verða foreldrar að skrá börn sín sérstaklega til dagvistunar þessa daga og greiða aukalega fyrir það.
Þessar hækkanir eru boðaðar frá 1. mars nk. og má þá segja að allar kjarabætur þessa árs fyrir foreldra leikskólabarna séu þar með uppétnar – og það þrátt fyrir yfirlýsingu Sambands Sveitarfélaga um að gjaldskrárhækkunum verði stillt í hóf og verði ekki umfram 2,5%, til að styðja kjarasamningagerð liðins árs. Í ljósi þeirrar yfirlýsingar m.a. gengu verkalýðsfélög til samninga – bæði á almennum markaði og við sveitarfélögin. Einn bæjarstjórnarmanna Fjarðabyggðar er í stjórn Sambands Sveitarfélaga og stóð því að ofangreindri yfirlýsingu. Það verður athyglisvert að sjá afstöðu viðkomandi á næsta bæjarstjórnarfundi.
Skv. heimildum okkar segir í fundargerð Fjölskyldunefndar að þessar hækkanir séu til að mæta vaxandi álagi innan leikskólanna – án þess að útskýrt sé í hverju álagið sé fólgið. Álaginu verður væntanlega létt með því að fólk hafi ekki lengur efni á að fá leikskólaþjónustu fyrir börnin sín og leiti aftur í ástand sem var fyrir áratugum þegar eldri systkini, frænkur og frændur eða unglingurinn í næsta húsi, passaði börnin með foreldrarnir unnu. Þá voru líka lyklabörnin frægu – sem voru með húslykil í bandi um hálsinn en voru að öðru leiti sjálfala á meðan foreldrarnir stunduðu vinnu.
Þannig verða leikskólarnir einkaskólar þeirra betur megandi á meðan börn láglaunafólks fara á flæking milli ættingja eða fá lykil um hálsinn.
Meirihluti bæjarstjórnar í Fjarðabyggð er myndaður af Sjálfstæðisflokki og Framsóknarflokki.
Félagsmenn sem starfa á hjúkrunarheimilinu Skjólgarði sem rekið er af Vigdísarholti hafa samþykkt nýlega gerðan kjarasamning: Á kjörskrá voru 30 Atkvæði greiddu 20 eða 66,67% Já sögðu 20 eða 100% Nei sögðu 0 Skiluðu auðu 0 Félagsmenn munu fá leiðrétt laun frá 1. apríl s.l. á næstu dögum samkv.samkomulagi þar um.
Mynd úr myndasafni AFLs
Mynd úr myndasafni AFLs
Vatnajökulsþjóðgarðs er síðan fullyrt að ekkert hafi komið út úr eftirliti verkalýðsfélaga né lögreglu. Þó liggur fyrir að endurtekið hefur þurft að innheimta vangoldin laun starfsmanna, starfsmenn hafa verið við störf sem án starfsréttinda hérlendis, en upplýsingar um það berast Vinnumálastofnun, auk þess að lögregla hefur þurft að aðstoða fólk við að komast í burtu eftir ofbeldishótun á vinnustaðnum.
