Samkvæmt upplýsingum AFLs gefur um þriðjungur atvinnlausra ekki upp stéttarfélagsaðild við skráningu hjá Vinnumálastofnun og nýtur þar með ekki réttinda úr sjúkrasjóðum eða starfsmenntasjóðum félaganna.

AFL hvetur alla félagsmenn sína til að gefa upp félagsaðild við skráningu á atvinnuleysisskrá og merkja við að greiða skuli félagsgjald. Benda má á að ef viðkomandi veikist eða verður fyrir slysi, fellur réttur til atvinnuleysisbóta niður þar sem viðkomandi er ekki vinnufær. Réttur í sjúkrasjóði stéttarfélags getur því ráðið úrslitum um afkomu heimilisins. Ennfremur veita stéttarfélögin félagsmönnum sínum verulega þjónustu - annast innheimtu launa vegna gjaldþrots fyrirtækja og almenna hagsmunagæslu í atvinnuleysi. Þá standa félögin fyrir námskeiðum og styðja nám af ýmsum toga á meðan atvinnuleysi stendur. Ennfremur veita stéttarfélögin félagsmönnum sínum verulega þjónustu - annast innheimtu launa vegna gjaldþrots fyrirtækja og almenna hagsmunagæslu í atvinnuleysi. Þá standa félögin fyrir námskeiðum og styðja nám af ýmsum toga á meðan atvinnuleysi stendur.

 

Annar fundur samninganefndar AFLs Starfsgreinafélags og Launanefndar Sveitarfélaganna fór fram í gær og lauk án þess að árangur yrði. Annar fundur hefur verið boðaður nk. miðvikudag.

Þolinmæðin er á þrotum – við þurfum lausnir NÚNA
ASÍ hafnar pólitískum kattarþvotti. Við krefjumst alvöru uppstokkunar í banka- og embættismannakerfinu
Við viljum nýtt fólk, nýtt upphaf, nýtt Ísland!
Fundur í Listasafn Reykjavíkur, Hafnarhúsinu við Tryggvagötui í dag kl. 17.00 (fluttur inn vegna veðurs).
Ræðumenn: Gylfi Arnbjörnsson forseti ASÍ, Sigurður Bessason formaður Eflingar, Finnbjörn A. Hermannsson formaður Samiðnar. Fundarstjóri: Ingibjörg R. Guðmundsdóttir varaforseti ASÍ. Guitar Islancio leikur í boði FÍH

Nú í morgun gekk Verkalýðsfélag Akraness frá kjarasamningi vegna starfsmanna Elkem á Grundartanga. Samningurinn felur í sér 22% kauphækkun á samningstímanum skv. frétt heimasíðu félagsins. Taxtahækkun við undirskrift samnings nemur 45.000 - 56.000 eftir starfsaldri.

Fyrsti fundur í samninganefnd AFLs við launanefnd sveitarfélaga var haldinn s.l þriðjudag en eins og kunnugt er þá fer AFL með samningsumboð í viðræðunum við sveitarfélögin á félagssvæðinu. Á fundinum voru kröfur félagsins kynntar og fóru fram lítils háttar umræðum um nokkrar þeirra, farið var yfir umboð og samninganefndir. Kynnt var samningamarkmið LN, sem eru þau að standa vörð um atvinnuöryggi starfsmanna sveitarfélaga. Næsti fundur hefur verið boðaður á mánudaginn 1. desember.