Í kjölfar þess að slitnaði upp úr viðræðum um kjarasamning fiskimjölsverksmiðja hefur SA (Samtök atvinnulífsins) tilkynnt að ekki verði unnt að ganga frá kjarasamningi við Starfsgreinasamband Íslands með samning fiskimjölsverksmiðja opinn.

Fyrirtæki á Austurlandi sem nýverið hóf að leigja starfsmenn sína út til annarra fyrirtækja án þess þó að vera skráð sem starfsmannaleiga heldur áfram að hirða húsaleigu af mönnunum - þó þeir búi á kostnað annars fyrirtækis.

Þrátt fyrir að samninganefnd SGS hafi verið boðuð með "náttföt og tannbursta" á fund á morgun virðist sem samningar séu enn ekki í augsýn. Fundi samninganefndarinnar var frestað í dag og færður til fimmtudags. 

Fyrirtækjum ber að draga stéttarfélagsgjald af launum starfsmanna og skila til þess stéttarfélags sem samningsaðild á um viðkomandi starf og félagssvæði. Þetta má lesa úr dómi er féll í héraðsdómi Reykjavíkru 29. janúar sl.

Starfsgreinasamband Íslands birti á heimasíðu sinni í gærkvöld athugasemdir vegna frétta í fjölmiðlum í gær um stöðu samningamála. Þar kemur m.a. fram að viðræður um launaliði eru skammt komnar. Í kjölfar frétta ríkisútvarpsins hefur fjöldi félagsmanna AFLs sett sig í samband við forystu félagsins og leitað