Á fundi stjórnar AFLs Starfsgreinafélags 1. október var meðfylgjandi samþykkt gerð.:

 

Á fundi trúnaðarráðs AFLs í kvöld var samninganefnd félagsins kosin og jafnframt formaður kjörnefndar, Kristinn Árnason, Egilsstöðum, en kjörnefnd hefur yfirumsjón með atkvæðagreiðslum um kjarasamninga og verkfallsboðanir. Þá framseldi fundur samninganefndar, sem haldinn var í kjölfar fundar trúnaðarráðs,  umboð til gerðar viðræðuáætlana til viðeigandi landssambanda, þ.e. Landssambands íslenskra verslunarmanna og Starfsgreinasambands Íslands en fól stofnfundi Iðnaðarmannadeildar AFLs, nk. laugardag að ráðstafa umboði v. iðnaðarmanna.

Á kjaramálaráðstefnu AFLs sem lauk í dag lögðu félagsmenn fram hugmyndir að kröfugerð félagsins í komandi kjarasamningum. Boðaður hefur verið fundur trúnaðarráðs félagsins næstkomandi miðvikudag þar sem kröfur félagsins verða mótaðar. Á ráðstefnunni sem hófst í gær, föstudaginn 21. september, voru frummælendur Kristján Gunnarsson, formaður SGS, Þorvaldur Gylfason, prófessor við HÍ, og Hjördís Þóra Sigurþórsdóttir, formaður AFLs. Tillögur ráðstefnunnar voru hins vegar mótaður í hópavinnu ráðstefnugesta. Sjá nánar um ráðstefnuna.

Hluta starfsfólks Fossvíkur á Breiðdalsvík hefur verið sagt upp störfum, og taka uppsagnir gildi um áramót. Á miðvikudag var um 40 manns sagt upp hjá Eskju á Eskifirði. Þá hefur verið eitthvað um uppsagnir á öðrum stöðum - en ekki í þessum mæli.

Á kjaramálaráðstefnu AFLs síðustu helgi var verkfallssjóður félagsins talsvert til umræðu. Nokkrir ráðstefnugestir spurðu hversu stöndugur sjóðurinn væri og hvað hann þyldi langt verkfall. Kristján Gunnarsson, formaður SGS, lýsti þeirri skoðun sinni að tími allsherjarverkfalla væri liðinn