AFL starfsgreinafélag

Snjóþungt á Einarsstöðum - fært að öllum húsum og bílastæði rudd

Einarsstadir Snjor

Talsverður snjór er á Einarsstöðum og þá hefur snjór víða hrunið af þökum húsa og eru því víða nokkrir skaflar á pöllum húsanna.  Gestir um helgina gætu því þurft að kafa einhverja skafla til að komast í lyklaboxin og til að opna húsin.  Snjóskóflur eru í geymslunum við hlið útihurða.

Það er hins vegar vel greiðfært á svæðinu og búið að ryðja allar akstursleiðir.  Þá er búið að ryðja göngustíga á túninu þannig að fært er að öllum húsum þar (hús 20 - 30).

Það kemur því ekkert í veg fyrir að félagsmenn geti notið útivistar á Einarsstöðum næstu daga og góð hreyfing fylgir því að moka sig að heita pottinum.

EinasstSnjorPottur

Nýr kjarasamningur AFLs, RSí og Alcoa Fjarðaáls

Alcoa 2021

Nýr kjarasamningur var undirritaður á Reyðarfirði 4. febrúar 2021 milli Alcoa Fjarðaáls, AFLs Starfsgreinafélags og Rafiðnaðarsambands Íslands. Samningurinn gildir í þrjú ár og er afturvirkur frá 1. mars 2020.

Helstu breytingar í nýjum samningi eru launahækkanir og vinnutímastytting, hvort tveggja í líkingu við það sem samið hefur verið um nýlega hjá hinum íslensku álverunum tveimur og í takt við Lífskjarasamninginn. Samningaferlið var langt meðal annars vegna aðstæðna í samfélaginu vegna Covid. Viðræður fóru fram undir stjórn Ríkissáttasemjara frá áramótum.

Næstu skref eru að félögin munu kynna samninginn formlega fyrir félagsmönnum sem síðan greiðir um hann atkvæði.

Hjördís Þóra Sigurþórsdóttir, formaður AFLs Starfsgreinafélags

Kristján Þórður Snæbjarnarson, formaður Rafiðnaðarsambands Íslands

Opnað fyrir umsóknir í orlofshús um páska! Íslenska / English

orlofsbyggd

Á mínum síðum á www.asa.is er nú hægt að sækja um orlofsdvöl í orlofshúsum AFLs um páska 2021.  Úthlutunartímabil er 31. mars  til 7. apríl.  Þeir sem ekki hafa fengið úthlutað um páska sl. þrjú ár eru í forgangi.  Staðfestingargjald er kr. 5.000 og þarf að greiða það fyrir 3. mars.  Greiða þarf leiguverð að fullu fyrir 19. mars.

Dregið verður úr umsóknum 25. febrúar nk. og fara þá þeir sem ekki fá úthlutað í biðlista og fá númer á honum í samræmi við útdrátt. Úthlutað verður af biðlista eftir þeirri röð jafnóðum og hús losna.  Ekki þarf að sækja um v. dvalar í íbúðum félagsins í Reykjavík eða á Akureyri - en einungis er hægt að bóka vikudvöl í íbúðunum á þessum tíma - þ.e. frá 31. mars - 7. apríl.  Þessar leigur og leigur orlofshúsanna verða ekki brotnar upp í styttri leigur.

Athugið - staðfestingagjald er óendurkræft.

Við höfum enn ekki tekið endanlega við nýjum húsum í Grímsnesi og því eru þau ekki með í úthlutunarferlinu.  Um leið og við höfum fengið þau afhent og gert þau tilbúin til útleigu verða þau boðin þeim sem eru á biðlista í þeirri röð sem útdrátturinn skilaði.

Hægt er að skrá þig á mínar síður með rafrænum skilríkjum eða íslykli.  Einnig er hægt að fá lykilorð frá félaginu en til þess þarf farsímanúmer eða netfang að vera skráð í kerfi félagsins.  Við beinum því til félagsmanna að aðeins þeirra eigin símar og netföng séu skráð á "mínum síðum" því hver sem hefur aðgang að "mínum síðum" félagsmanns getur efnt til skuldbindinga í nafni hans.


On "my pages" on www.asa.is members of AFL can now apply for our holiday houses over Easters. The Easters vacation period in our houses is from 31. March till 7th of April. Those that have not been allocated holiday houses during Easters in the last three years will be allocated first.  Tje application process will be open till 24th of February and the allocation - done by drawing lots - will be done on 25th of February.  Confirmation fee of 5.000 Ikr, not refundable, will have to be paid before 3rd of March and the rent paid in full before 19th of February.  Those that do not get a house during this process will be put on a "waiting list" based on the no they got in the allocation process.  Houses that become "free" after the allocation process is finished - are allocated accordingly.

Our apartments in Reykjavik and Akureyri are "first come - first served" over Easters - but will only be let for a whole week.  Those rentals and the holiday houses will not be broken into shorter rental periods during the Easter week.  Our new houses in Grimsnes are not included in this "allocation process" but as soon as they are ready for use - we will allocate them in accordance to the "waiting list" that comes from our allocation process.

You can access our "my pages" with an Icekey, electronic signature or with a password assigned by AFL.  To get the password, AFL´s systems need to have your email address or mobile number.  To register your contact information send an email to This email address is being protected from spambots. You need JavaScript enabled to view it. along with your "kennitala".


Na naszej stronie internetowej www.asa.is  w zakładce „moja strona” można ubiegać się o rezerwację domków letniskowych AFLu w okresie Wielkanocy 2021r. Okres przydziału to 31 marca do 7 kwietnia. Wnioskodawcy, którzy nie korzystali z przydziału domków w czasie Wielkanocy przez ostanie trzy lata będą mieli pierwszeństwo w losowaniu. Przedpłatę rezerwacji w wysokości 5.000kr należy uiścić do 3 marca. Pozostałą część wynajmu należy uregulować do 19 marca.
Przydział domków odbędzie się 25 lutego. Wnioskodawcy, którzy nie otrzymają przydziału przechodzą automatycznie na listę oczekujących otrzymując numer zgodny z kolejnością losowania. Jeśli któryś z domków zostanie zwolniony w tym terminie, przydział domków z listy oczekujących będzie przebiegał w nadanej kolejności numerologicznej.
Nie ma potrzeby ubiegania się o przydział mieszkań w Reykjavíku lub Akureyri w okresie Wielkanocnym – jednak w terminie od 31.marca do 7. kwietnia możliwa jest tylko tygodniowa rezerwacja.
Nie ma możliwości rozbicia terminu pobytu na krótszy okres lub wynajmu tylko na weekend.

Uwaga – Przedpłata rezerwacji nie podlega zwrotowi.

Niestety nowe domki w Grímsnes na chwilę obecną nie są jeszcze gotowe do odbioru, dlatego nie będą uwzględnione w procesie przydziału. Jak tylko zostaną przygotowane pod wynajem będą zaoferowane osobom z listy oczekujących w nadanej wcześniej kolejności numerologicznej.
Można zarejestrować się na stronie za pomocą elektronicznego identyfikatora lub hasła Íslykil. Istnieje również możliwość uzyskania hasła z systemu AFL, warunkiem jest wcześniejszy zapis numeru telefonu komórkowego lub adresu e-mail w bazie danych systemu AFL.
Należy pamiętać aby przy rejestracji podawać własny nr.telefonu i adres e-mail żeby osoby trzecie nie miały dostępu do konta właściciela na „moja strona“ i nie mogły nim zarządzać w jego imieniu i na jego odpowiedzialność.

Laun og launatengdir liðir hækka 1. janúar 2021

Peningar

1. janúar 2021 hækka laun og launatengdir liðir skv. núgildandi kjarasamningum

Starfsfólk á almennum vinnumarkaði
1. janúar 2021 hækkuðu kauptaxtar á almenna markaðinum hjá verslunarmönnum og verkafólki um kr. 24.000. Ný launatafla tekur gildi hjá iðnaðarmönnum. Almenn hækkun (laun þeirra sem eru með umsamin laun umfram lágmarktaxta) hækkuðu um kr. 15.750.

Ný launatafla tók gildi hjá starfsfólki í fiskimjölverksmiðjum

Aðrir kjaratengdir liðir kjarasamningsins hækkuðu um 2,5% á sömu dagsetningu.

Lágmarkstekjutrygging fyrir fullt starf er nú 351.000 kr.

Starfsfólk sveitarfélaga
1. janúar 2021 hækkuðu kauptaxtar hjá sveitarfélögunum um kr. 24.000. 

Starfsfólk ríkisins
Ný launatafla tók gildi hjá ríkinu 1. janúar 2021 sem byggir á álagsþrepum í stað aldursþrepa. Unnið er að því að endurnýja stofnanasamninga við stofnanir ríkisins og varpa inn í nýja töflu.

Sjá nánar hér

Hjá þeim hópum félagsmanna sem ósamið er fyrir koma launahækkanir ekki til framkvæmda, þar má nefna sjómenn og starfsmenn Alcoa.

Opnunartími - Opening hours - Godziny otwarcia

Skrifstofur

Opnunartíma skrifstofa AFLs yfir hátíðirnar.

Opið til hádegis á aðfangadag

Lokað jóladag

Opið til hádegis á gamlársdag.

Lokað nýársdag

Aðra virka daga er opið skv. venju

Ath. Á gamlársdag verður lokað á Vopnafirði en aðfangadagsmorgun í Neskaupstað.)

Síminn er 4700 300

Starfsfólk AFLs og stjórn óskar félagsmönnum og fjölskyldum þeirra og landsmönnum öllum gleðilegra jóla og farsæls komandi árs.

AFL´s offices will be open over Christmas and New year as follows.

24th of December – closes at 12:00

Christmas day – closed

31st of December closes at 12:00

1st of January 2021 – closed

All other days our offices will be open as usual.

(note our office in Vopnafjörður will be closed on 31st of December and in Neskaupstaður on 24th of December).

AFL´s board and staff whishes all members and their families and in fact everyone – a merry Christmas and a happy new year.


Godziny otwarcia biura AFL w okresie świątecznym.

24.grudnia Wigilia - do godz.12:00

25.grudnia Boże Narodzenie - biuro zamknięte

31.grudnia Sylwester- do godz.12:00

1.stycznia – biuro zamknięte

W pozostałe dni robocze otwarte.

Uwaga. Dnia 31.grudnia Sylwester - biuro AFLu w Vopnafjörður będzie zamknięte.

24.grudnia Wigilia – biuro w Neskaupstaður będzie zamknięte.

Nr.telefonu 4700 300

Zarząd AFLu wraz z pracownikami życzą wszystkim członkom i ich rodzinom oraz wszystkim mieszkańcom Islandii  Wesołych Świąt i Szczęśliwego Nowego Roku.

Skrifstofa AFLs rústir einar - hamfarir á Seyðisfirði

rústir af tækniminjasafni ofl.

Ljós­mynd/​Tækni­m­inja­safn Aust­ur­lands, þarna eru væntanlega rústir af skrifstofu AFLs á Seyðisfirði í bland við aðrar rústir.

 

 

 

Skrifstofa AFLs á Seyðisfirði var í húsinu nr. 28 við Hafnargötu, svokallaðri Silfurhöll.  Það hús varð fyrir seinni skriðunni sem féll 18. des sl. og gereyðilagðist eins og fleiri hús sem lentu í þeirri skriðu.  Tjón félagsins í samhengi þessara hamfara - er léttvægt en þetta mun engu að síður hafa áhrif á starfssemi okkar á Seyðisfirði næstu mánuði eða misseri.  Þessi skrifstofa hefur reyndar verið með óreglulegan opnunartíma - þar sem starfsmaður okkar á Seyðisfirði hefur að mestu verið við störf á Egilsstöðum.  Skrifstofan hefur því mest verið notuð við einstök verkefni og eins hefur starfsmaður okkar á staðnum verið með viðveru á Seyðisfirði þegar heiðin er torsótt eða aðrar aðstæður kalla á.

Skriðuföllin á Seyðisfirði hafa haft víðtæk áhrif - og hefur félagið reynt að bregðast við þar sem við höfum getað orðið að gagni.  Orlofshús félagsins á Einarsstöðum urðu fljótt fullbókuð á föstudaginn en önnur verkalýðsfélög sem einnig eiga hús á Einarsstöðum buðu fljótt fram sín hús einnig.  Einhverjir félagsmanna munu væntanlega vera á Einarsstöðum eitthvað áfram á meðan unnið verður úr málum þeirra en nokkar fjölskyldur á Seyðisfirði hafa glatað öllu sínu í þessum hamförum.

AFL sendi björgunarsveitinni Ísólfi nokkurn fjárstuðning á föstudaginn og vonar stjórn félagsins og starfsfólk að það hafi komið sér vel á þessum átakatímum. Það tíðkast nú að segja að "hugur manns" sé hjá Seyðfirðingum. Það þarf varla að taka það fram á Austurlandi því vandfundinn er sá Austfirðingur sem ekki á fjölskyldu, ættar-eða vinatengsl við fjörðinn fagra sem nú er í sárum.

AFL - stjórn félagsins og starfsfólk sendir íbúum Seyðisfjarðar bestu kveðjur og ósk um að þeir nái með góðri aðstoð, að byggja bæinn sinn aftur upp og verja byggðina fyrir hamförum og að með bættum samgöngum nái Seyðisfjörður með sitt litríka mannlíf, vopnum sínum að nýju. 

Drífa Snædal, forseti Alþýðusambands Íslands sendi í morgun ábendingu til aðildarfélaga sambands um það hvort félögin gætu komið Seyðfirðingum til aðstoðar. Í því sambandi sendi Drífa félögunum reikningsupplýsingar Rauða Kross deildarinnar á Seyðisfirði og Björgunarsveitarinnar Ísólfs.  Einnig ábendingu til þeirra félaga sem eiga orlofshús á Héraði um húsnæðisvanda þeirra sem hafa misst allt sitt.  AFL og aðrir Austfirðingar þakkar Drífu fyrir þessa hvatningu til verkalýðsfélaga landsins.

 

Silfurhöllinn fyrir þennan atburð

Silfurhöllin