Hinn árlegi starfsdagur grunnskólastarfsmanna var haldinn fimmtudaginn 10. september, þar mætti fagur hópur grunnskólastarfsmanna sem hlýddi á erindi þeirra Páls Ólafssonar félagsráðgjafa um jákvæð samskipti, Sverris Mars Albertssonar um ný vandamál í breyttu umhverfi, Hjördísar Þóru Sigurþórsdóttur er fjallaði um launaumhverfi sveitarfélagastarfsmanna, Þórunnar Egilsdóttur frá ÞNA um að koma fram að sjálfsöryggi og síðast en ekki síst erindi Sigríðar Herdísar Pálsdóttur verkefnisstjóra Fjarðarbyggðar um móttöku nýrra íbúa. Sjá myndir frá starfsdeginum
Umsóknir um orlofsíbúðir AFLs fyrir jól og áramót þurfa að berast skrifstofum félagsins fyrir mánaðarmót september – október. Um tvö tímabil verður að ræða, þ.e. vikuna 23. til 30. des. og frá 30. des. til 6. janúar. Stefnt er að því að úthlutun geti farið fram um miðjan október. Greiða þarf staðfestingargjald sem nemur helmingi af leigugjaldi, fyrir októberlok. Sé það ekki gert verður litið þannig á að íbúðin sé laus til endurútleigu. Lokagreiðsla skal fara fram eigi síðar en tveim vikum fyrir áætlaðan leigutíma.
Umsóknareyðublöð er að finna á vef okkar undir umsóknir og eyðublöð eða á næstu skrifstofu AFLs. Orlofsnefnd
Nú er myndasamkeppni AFLs um bestu myndina úr eða af sumar dvalarstað félagsins lokið. Félaginu bárust þó nokkrar myndir, þó var þátttaka dræmari en vonast var til, þökkum við þeim sem sendu inn myndir fyrir farmlagið. Óháð matsnefnd mun velja bestu myndirnar en sú nefnd hefur ekki haft tök á því að koma saman, verður það gert innan tíðar og í kjölfarið tilkynnt um sigurvegara. Hér má sjá innsendar myndir.
Á fundi Úrskurðarnefndar sjómanna og útvegsmanna var ákveðið að hækka verð á slægðum og óslægðum þorski, sem ráðstafað er til eigin vinnslu eða seldur til skyldra aðila, um 5%. Ákveðið var einnig að hækka verð á karfa um 10%. Verð þetta gildir frá og með deginum í dag.
Hjördís Þóra Sigurþórsdóttir, formaður AFLs, stóð í stórræðum á laugardag en þá kom hún sér upp húsi á jörðinni Fljótsbakka í Eiðaþinghá, en hún er öllu jafna búsett á Hornafirði. Á myndinni má sjá formanninn með fríðum flokki sem kom húsinu á staðinn og á undirstöðurnar.
Hinn árlegi starfsdagur grunnskólastarfsmanna var haldinn fimmtudaginn 10. september, þar mætti fagur hópur grunnskólastarfsmanna sem hlýddi á erindi þeirra Páls Ólafssonar félagsráðgjafa um jákvæð samskipti, Sverris Mars Albertssonar um ný vandamál í breyttu umhverfi, Hjördísar Þóru Sigurþórsdóttur er fjallaði um launaumhverfi sveitarfélagastarfsmanna, Þórunnar Egilsdóttur frá ÞNA um að koma fram að sjálfsöryggi og síðast en ekki síst erindi Sigríðar Herdísar Pálsdóttur verkefnisstjóra Fjarðarbyggðar um móttöku nýrra íbúa. Sjá myndir frá starfsdeginum
Nú er myndasamkeppni AFLs um bestu myndina úr eða af sumar dvalarstað félagsins lokið. Félaginu bárust þó nokkrar myndir, þó var þátttaka dræmari en vonast var til, þökkum við þeim sem sendu inn myndir fyrir farmlagið. Óháð matsnefnd mun velja bestu myndirnar en sú nefnd hefur ekki haft tök á því að koma saman, verður það gert innan tíðar og í kjölfarið tilkynnt um sigurvegara. 
