100. stjórnarfundur Landsmenntar.

Written on 15 June 2009.

Á föstudag var haldinn 100. stjórnafundur Landsmenntar . Landsmennt er fræðslusjóður verkafólks á landsbyggðinni og fyrirtækja á almenna markaðnum. Til sjóðsins var stofnað í kjarasamningum árið 2000 og tók hann til starfa 2001. Í tilefni þessa voru aðilafélögum og aðildarfyrirtækjum boðið til ársfundar þar sem kynntar voru helstu niðurstöður úr rekstri sjóðsins fyrir árið 2008 ásamt nýtingu félagsmanna og fyrirtækja á sjóðnum.
Stjórn sjóðsins er skipuð 3 fulltrúum stéttarfélaganna og 3 fulltrúum SA. Forstöðumaður sjóðsins er Kristín Njálsdóttir.

Umræða um kjarasamninga

Written on 12 June 2009.

Formannafundur ASÍ var haldinn í gær 11. júní, á fundinum var farið yfir stöðu í viðræðum við SA um kjarasamningana, jafnframt var kynnt sú vinna sem verið hefur í gangi og ASÍ hefur tekið þátt í um efnahagsmálin, stöðu heimila, fyrirtækja og úrbætur í þeim efnum. Einnig var kynnt aðkoma ASÍ að svokölluðum stöðugleika sáttmála. Á fundinum var samþykkt tillaga þar sem lýst var yfir fullu trausti við störf samninganefndar í vinnu hennar við að uppfylla ákvæði kjarasamninga.

Sjómannadagur

Written on 06 June 2009.

thumb_hornarfjardarhofn Sendum sjómönnum og fjölskyldum þeirra hátíðarkveðjur í tilefni sjómannadagsins sem er á morgun sunnudag.

Víðast hvar á austurlandi er hátíðardagskrá um helgina, hópsiglingar, víðavangshlaup, kaffisamsæti og dansleikir.

Skrifað undir samning um starfsendurhæfingu

Written on 05 June 2009.

Í dag gengu fjögur stéttarfélög á Austurlandi, AFL Starfsgreinafélag, Félag opinberra starfsmanna á Austurlandi, Starfsmannafélag Fjarðabyggðar og VR, undir samning við Virk, Endurhæfingarsjóð. Samningurinn fjallar um aðkomu Endurhæfingarsjóðs, sem samið var um í síðustu kjarasamningum, að starfsendurhæfingu á Austurlandi.

Góður hópur í ferðaþjónustu

Written on 05 June 2009.

Góður hópur félagsmanna AFLs hefur sótt námskeið í ferðaþjónustu síðustu daga hjá Þekkingarneti Austurlands á Egilsstöðum. Í morgun var farið í vinnusiðferði og kjarasamninga, réttindi og skyldur.

Starfsmaður AFLs var leiðbeinandi með hópnum í dag og smellti þessari mynd af flottum hóp ungs fólks sem sinnir ferðamönnum á Austurlandi í sumar.

Samninganefnd AFLs: Ekki frekari frestun

Written on 04 June 2009.

Samninganefnd AFLs Starfsgreinafélags fundaði seinnipartinn í dag. Fundurinn var vel sóttur eða um 40 fulltrúar. Fundurinn hvetur forystu ASÍ til að standa fast á kröfu um áður umsamdar launahækkanir en hvetur jafnframt til samstöðu innan hreyfingarinnar. ályktunina má sjá hér:

Iðnaðarmenn athugið!