Stefndi, Kleifar ehf., greiði stefnanda, Björgvini Ragnari Einarssyni, 4.416.452 krónur, með dráttarvöxtum skv. 1. mgr. 6. gr. laga nr. 38/2001, af 554.649 krónum frá 1. ágúst 2013 til 1. september 2013, þá af 1.213.704 krónum frá þeim degi til 1. nóvember 2013 og loks af 4.416.452 krónum frá þeim degi til greiðsludags. Allt að frádregnum 1.187.918 krónum frá 10. apríl 2015.

Stefnandi á sjóveðrétt í bátnum Auði Vésteins SU-88, skipaskrárnúmer 2708, til tryggingar öllum tildæmdum fjárhæðum.

Stefndi greiði stefnanda 450.000 krónur í málskostnað.

Hildur Briem

Sjá dóminn í heild sinni

Krafist var leiðréttingar launa vegna vinnu í þágu Hof 1 Hótel sumarið 2012.

Málsatvik eru þau að stefnandi, sem er þýskur ríkisborgari, réðst fyrst til starfa hjá hinu stefnda einkahlutafélagi sumarið 2011 og starfaði á hóteli í Öræfasveit á þess vegum. lágmarklaun voru sögð 179.500 kr.  á mánuði fyrir 40 stunda viku, auk orlofs. Stefnandi réðst aftur til starfa hjá stefnda sumarið 2012. Eiga kröfur hennar í máli þessu rót að rekja til þess tímabils . Meginágreiningur var þar sem hún vann fyrrihluta dags og var ekki að vinna um miðbik en byrjaði aftur að vinna seinnihluta dags og vann fram á kvöld hvort greiða ætti þennan tíma sem samfellu sjá dóminn

Óheimilt er að draga olíukostnað frá aflverðmæti til skipta á smábátum.  AFL Starfsgreinafélag stefndi, fyrir hönd félagsmanns útgerð á Stöðvarfirði vegna vanreiknaðra launa, en við uppgjör var stuðst við skiptaprósentu skv. kjarasamningi SSÍ við Landssamband smábátaeigenda - en kostnaður skv. kjarasamningi SSÍ við LÍÚ dreginn frá aflverðmæti.  Í kjarasamningi SSÍ við LS kemur skýrt fram að skipta eigi úr heildarverðmæti aflans og staðfesti dómurinn það.  Þetta er því mikilvægur varðandi réttarstöðu smábátasjómanna. Sjá dóminn í heild

Hæstiréttur komst að þeirri niðurstöðu í dómi frá 3.11 sl. (HRD 390/2010) að atvinnurekanda, sem hyggst auka við starfsskyldur starfsmanns, beri annað af
tvennu að gera það með því að eiga frumkvæði að breytingum á ráðningarsamningi eða tilkynna það skriflega eins og kjarasamningar áskilja. Þar sem hann gerði hvorugt öðlaðist starfsmaðurinn rétt til aukagreiðslna vegna hinna nýju starfsskyldna. Í málinu var einnig deilt um það hvort starfsmaðurinn ætti rétt á
greiðslu bifreiðastyrks á uppsagnarfresti þar sem ekki var krafist vinnuframlags hans og komst Hæstiréttur að þeirri niðurstöðu að svo væri. Sjá dóminn