Verkamannadeild AFLs mun gangast fyrir ráðstefnu upp úr miðjum september þar sem kjaramál og endurskoðun launaliða almennra kjarasamninga nk. áramót verða til umfjöllunar auk kjarasamninga starfsmanna sveitarfélaga sem lausir verða í haust.

Seyðisfjarðarkaupstaður hefur svarað erindi formanns AFLs er sent var fyrr í mánuðinum. Hjördís Þóra, formaður AFLs, sendi sveitarfélögum á Austurlandi, erindi í kjölfar launakönnunar félagsins hjá vinnuskólum og unglingavinnu á Austurlandi.

AFL hefur borist ábending um veitingastað á félagssvæði sem er rekinn með vinnuafli 5 erlendra stúlkna er vinni 6 - 7 klst. hver daglega, 7 daga vikunnar og þiggja fyrir það um 80.000 kr. mánaðarlaun auk fæðis og húsnæðis. Starfsfólkið er skráð sem ferðamenn og greiða ekki skatta.

Starfsgreinasamband Íslands hefur gengið frá nýjum stofnanasamningi við Vegagerðina og tekur samningurinn gildi frá 1. júlí sl. Samkvæmt samningnum geta starfsmenn hækkað um 1 - 3 launaflokka eða grunnraðast í launaflokka 9 - 14 en röðuðust áður í 7 - 10. Grunnröðun til viðbótar geta komið allt að fimm launaflokkar, eftir starfsreynslu og menntun. Sjá samninginn í heild  vegagerðin_2008

Í lauslegri könnun sem stéttarfélögin hafa verið að vinna á launakjörum í vinnuskólum víða um land kemur í ljós að launakjör 16 ára unglinga eru best á Suðurfjörðum Vestfjarða, Vesturbyggð og Tálknafirði eða 735 kr á tímann. Fast á hælana er síðan Grýtubakkahreppur við Eyjafjörð með 732 og síðan Fjarðabyggð með 705 kr  og Ísafjörður og Súðavík með 702 kr. á tímann.

Starfsgreinasambandið hefur, fyrir hönd aðildarfélagarfélaganna,  gengið frá samningi við Landssamband smábátaeigenda um beitningu, uppstokkun og aðra  línuvinnu svo og vinnu við netaafskurð og fellingu neta.  Jafnframt eru inni í samningum ákvæði um fellingu grásleppuneta.