Greiddar hafa verið 4,2 milljónir króna vegna launa er AFL Starfsgreinafélag krafði GT verktaka um í október sl. vegna vinnu þrettán félagsmanna AFLs er störfuðu við Kárahnjúkaframkvæmdir. Mál 13 starfsmanna fyrirtækisins og afskipti AFLs Starfsgreinafélags af málum mannanna og lögreglurannsókn og vitnaleiðslur vegna málsins vöktu athygli í fjölmiðlum og var mikið um málið fjallað. Málið snerti einnig NCL starfsmannaleigu er AFL hélt fram að væri í eigu eigenda GT verktaka.

Kynningarfundum á nýjum kjarasamningum lýkur í dag. Í morgun var haldinn fundur í Fiskverkun Kalla Sveins á Borgarfirði eystri og mátti fulltrúi félagsins grípa til skóflunar á leið sinni á fundinn. Það var vel mætt á fundinn á Borgarfirði.

Síðasti fundur starfsmanna félagsins til að kynna kjarasamningana er á Höfn á Hornafirði fyrir verslunarmenn í félaginu. 

13 - 14 mars á Hótel Höfn, Hornafirði

Dagskrá:

13. mars:
14:00 – fundargögn og hressing
14:30 – Setning – Hjördís Þóra Sigurþórsdóttir
14:40 – Ávarp – Grétar Þorsteinsson
15:00 – Trúnaðarmaðurinn og vinnufélaginn – Gylfi Ingvarsson, trúnaðarmaður ÍSAL
15:45 –  Forystan og baklandið – Skúli Thoroddsen, framkvæmdastjóri SGS
16:15 – Kaffihlé
16:30 – Einelti / vinnuumhverfi / öryggi – Sigurlaug  B. Gröndal, Mími -  Símenntun
17:00 – Áfengisvandamál / persónuleg vandamál – lagalegar og siðferðilegar heimildir
trúnaðarmanna til inngrips – Jóna Margrét Ólafsdóttir, félagsráðgjafi, Mímir  - Símenntun
17:45 – Hópavinna
18:30 – Móttaka – Gleðigjöf
19:30 – Kvöldverður
21:00 – Kvöldstund með hægfara hugleiðslu

14. mars
08:00 – Morgunverður
09:00 – Ímynd, áhrif og fjölmiðlar – Snorri Már Skúlason Deildarstjóri ASÍ
09:50 – Kaffihlé
10:00 – AFL – ímynd – aðgerð og árangur - Sverrir Albertsson, AFLi
10:45 – Hópavinna
11:30 – Pallborð um ímyndarvinnu
12:30 – Hádegisverður
13:30 – Ráðstefnustjóri tekur saman umræður. Eyrún Björk Valsdóttir
14:00 – Pallborð með niðurstöðum hópa og umræður um málefni fundarins
15:00 – Ráðstefnu slitið - Kaffi
15:30 – Heimför

Ferðir verða á vegum AFLs Starfsgreinafélags. Þátttaka tilkynnist á næstu skrifstofu félagsins eða til Gunnars Guðmundssonar, tengiliðs trúnaðarmanna félagsins, This email address is being protected from spambots. You need JavaScript enabled to view it. eða 4700 303.
Fæði og gisting á vegum félagsins.

 

Tíu einstaklingar hófu í gær formlega endurhæfingu á vegum Starfsendurhæfingar Austurlands en átta mánuðir eru síðan fyrst komu fram hugmyndir um stofnun StarfA. Erla Jónsdóttir er forstöðumaður StarfA.

Undirbúningur fyrir ársfund trúnaðarmanna AFLs 2008 stendur nú sem hæst en búist er við um 80 trúnaðarmönnum félagsins á fundinn. Ársfundurinn verður haldinn á Höfn á Hornafirði að þessu sinni. Dagskráin verður sniðin að breyttum aðstæðum á vinnumarkaði og á félagssvæði félagsins.

Samninganefnd AFLs ákvað á fundi sínum í gærkvöld að það færi fram allsherjaratkvæðagreiðsla um nýgerða kjarasamnigna með póstatkvæðagreiðslu. Atkvæðaseðlar verða settir í póst á morgun eða mánudag en atkvæði verða talin 10. mars nk.