AFL starfsgreinafélag

Penninn á lofti!

Written on .

Samninganefnd Starfsgreinasambandsins situr í húsnæði sáttasemjara með pennann á lofti. Fulltrúar ASÍ eru á fundi með fulltrúum ríkisstjórnarinnar til að ganga frá framlagi ríkisvaldsins vegna nýrra kjarasamninga. Enn hefur ekki verið gengið frá sérákvæðum Alþýðusambands Austurlands / AFLs Starfsgreinafélags en fulltrúar AFLs í samninganefndinni munu ekki skrifa undir samning fyrr en gengið hefur verið frá þessum atriðum

Bræðslusamningar samþykktir

Written on .

braedslurkjorSamningar starfsmanna í fiskimjölsverksmiðjum á félagssvæði AFLs og Drífanda í Vestmannaeyjum voru samþykktir með 86% greiddra atkvæða. Alls greiddu 70 starfsmenn atkvæði og þar af 60 með samningnum.

Hjallastefnan - Ingibjörg kemst ekki

Written on .

Varaforseti Alþýðusambands Íslands, Ingibjörg R. Guðmundsdóttir, verður ekki ráðstefnustýra á málþingi AFLs í dag. Þar sem allt útlit er fyrir að kjarasamningar aðildarfélaga ASÍ verði undirritaðir um helgina varð hún að afboða en Hjördís Þóra Sigurþórsdóttir, formaður AFLs mun stýra málþinginu.

Tæplega eitt hundrað konur víðs vegar af félagssvæði AFLs hafa skráð sig til þátttöku. Dagskráin er frá 10 að morgni og fram á kvöld.

Kjarasamningar: Lokahrinan hafin

Written on .

Allt stefnir í að skrifað verði undir kjarasamninga aðildarfélaga ASÍ um helgina. Fundað var stíft hjá ríkissáttasemjara í gær og stóðu samningafundir fram undir miðnætti. Enn stóðu nokkur mál útaf borðinu er fundum var slitið en samkomuleg hefur náðst í aðalatriðum. Enn er beðið útspili ríkisstjórnarinnar. 

Bræðslur: Akranes samþykkir - AFL og Drífandi: Talið í dag

Written on .

Fulltrúi kjörstjórnar AFLs Starfsgreinafélags kemur í hús Sáttasemjara á hádegi í dag með atkvæði bræðslumanna AFLs vegna kjarasamnings sem skrifað var undir í gærmorgun en atkvæði bræðslumanna í Vestmannaeyjum komu í hús í gærkvöld. Atkvæði verða talin sameiginlega. Bræðslumenn á Akranesi samþykktu nýgerðan kjarasamning í gærkvöld

Continue Reading

Bræðslusamningur á "ljóshraða"

Written on .

Samkomulag náðist í deilu bræðslumanna við atvinnurekendur seint í gærkvöld þegar allt útlit var fyrir að fulltrúar SGS gengju af samningafundi þar sem SA hafði tilkynnt að ekki yrði gengið frá aðalkjarasamningi við aðildarfélög SGS nema starfsmenn í fiskimjölsverksmiðjum samþykktu að kjarasamningur þeirra yrði hluti aðalkjarasamnings aðila.

Continue Reading

Samningar á lokastigi?

Written on .

Alþýðusamband Íslands sendi í gær frá sér fréttatilkynningu um að samningar væru komnir á lokastig. Samkomulag hafði náðst milli fulltrúa landssambanda innan ASÍ og fulltrúa atvinnurekenda um launaramma nýs kjarasamnings. Yfirlýsing ASÍ fer hér á eftir.

Continue Reading

More Articles ...