Keahotel hefur ákveðið að hætta rekstri á Hótel Norðurlandi á Akureyri frá og með 31.03.20 og munu þeir því ekki taka við gistingu með gistimiðum, nema einungis þá sem nú þegar hafa bókað slíka gistingu.

Þar af leiðandi hefur AFL hætt sölu gistimiða fyrir Hotel Norðuland, enn er hægt að versla gistimiða á Kea Hotel - Hafnarstræti 87 – 89 - Akureyri sjá mínar síður vefverslun.

Opnað hefur verið fyrir umsóknir um orlofshús um páskana á "mínar síður" Staðfestingargjald er kr. 5.000 og er óendurkræft hætti fólk við.  Opið er fyrir umsóknir til 19. febrúar.

.

Opnað hefur verið fyrir kosninga- og kynningarsíðu um nýjan kjarasamning við sveitarfélögin þar sem þeir félagsmenn sem eru á kjörskrá geta nálgast nánari kynningarefni um samninginn.

Kynningarsíðan er á www.asa.is "mínar síður“ þegar félagsmaður skráir sig inn birtist eftirfarandi mynd efst á síðunni.

Atkvæðagreiðslan er rafræn og er einnig á kynningarsíðunni, hefst fimmtudaginn 23. janúar kl. 10:00 og henni lýkur sunnudaginn 9. febrúar kl. 12:00. Þeir sem þurfa aðstoð geta leitað til næstu skrifstofu með að komast inn á síðuna.

Eftirfarandi kynningarfundur hafa verið skipulagðir:

Hornafjörður -Víkurbraut 4         mánudagur 27. janúar           kl. 17:00

Leikskólinn Bjarkartún                þriðjudagur 28. janúar           kl. 12:00

Leikskólinn Lyngholt                   þriðjudagur 28. janúar           kl. 15:00

Reyðarfjörður –Búðareyri 1        þriðjudagur 28. janúar           kl. 16:30

Leikskólinn Tjarnarskógur          miðvikudagur 29 janúar         kl. 13:00

Vopnafjörður – Lónabraut 4       miðvikudagur 29. janúar        kl. 16:30

Leikskólinn Kæribær                  fimmtudagur 30. janúar         kl. 10:00

Grunnskólinn Fáskrúðsfirði        fimmtudagur 30. janúar         kl. 11:00

Neskaupstaður - Egilsbraut 11   fimmtudagur 30. janúar        kl. 16:30

Grunnskóli Egilsstaða                föstudagur 31. janúar            kl.  9:00

Leikskólinn Dalborg                   föstudagur 31. janúar            kl. 13:00

Leikskólinn Sjónarhóll                mánudaginn 3. febrúar          kl. 8:00

Heppuskóli                                 mánudaginn 3. febrúar          kl. 11:00

Heimaþjónustudeild Höfn           mánudaginn 3. febrúar          kl. 15:00

Grunnskóli Djúpavogs                miðvikudagur 5. febrúar        kl. 10:00

Grunnskóli Reyðarfjarðar           miðvikudagur 5. febrúar         kl. 13:30

Egilsstaðir Miðvangur 2 - 4        fimmtudagur  6. febrúar          kl. 16:30

Seyðisfjörður Silfurhöllin            fimmtudagur  6. febrúar          kl. 16:30

Félagsmenn eru hvatti til að taka afstöðu til samningsins

Samninganefnd Sjómannasambands Íslands skorar á Íslensk stjórnvöld að láta fara fram óháða rannsókn á söluvirði afurða í Íslenskum sjávarútvegi.

Samninganefnd Starfsgreinasambands Íslands, fyrir hönd 17 aðildarfélaga sinna, skrifaði í dag undir nýjan kjarasamning við Samband íslenskra sveitarfélaga með fyrirvara um samþykki félagsmanna í atkvæðagreiðslu. Samningurinn gildir frá 1. janúar 2020 til 30. september 2023. Sjá Samninginn

Helstu atriði samningsins eru sem hér segir:

• Laun hækka um 90.000 kr. á tímabilinu 1. janúar 2020 til 1. janúar 2022. Þann 1. janúar 2023 hækka laun í samræmi við hækkanir á almennum vinnumarkaði.
• Lágmarksorlof hjá öllum starfsmönnum verður 30 dagar.
• Markviss skref til styttingar vinnuvikunnar. Frá 1. janúar 2021 styttist vinnuvikan um samtals 65 mínútur fyrir fólk í fullu starfi.
• Vegna þess hversu lengi það hefur dregist að gera kjarasaming fá félagsmenn greidda eingreiðslu, upp á samtals 195.000 kr., miðað við fullt starf tímabilið 1. apríl til 31. desember 2019. Til frádráttar kemur 125.000 kr. innágreiðsla frá því í október 2019.
• Persónuuppbót sem greiðist 1. maí ár hvert og nemur 50.450 kr. fyrir fullt starf árið 2020. Desemberuppbót hækkar úr 115.850 kr. árið 2019 í 124.750 kr. árið 2022.

Á næstu mánuðum verður lögð vinna í að leiðrétta og endurskoða fyrirkomulag ráðninga tímavinnufólks. Þá verður stofnaður sérstakur Félagsmannasjóður með það markmið að stíga skref til jöfnunar lífeyrisréttinda milli starfsmanna á almennum vinnumarkaði og opinberra starfsmanna. Atvinnurekandi greiðir mánaðarlegt framlag í sjóðinn sem nemur 1,5% af heildarlaunum félagsmanna og er úthlutað úr sjóðnum 1. febrúar ár hvert. Fyrsta úthlutun úr sjóðnum verður nú í ár og fá allir félagsmenn í fullu starfi greiddar 61.000 kr. Starfsmenn sem eru ekki í fullu starfi fá greiðslu miðað við starfstíma og starfshlutfall.

SGS mun áfram taka fullan þátt í starfshópi aðila opinbera vinnumarkaðarins sem fjallar um fyrirkomulag vaktavinnu og starfskjör vaktavinnufólks. Nái starfshópurinn niðurstöðu um frekari breytingar munu samningsaðilar taka upp viðræður um með hvaða hætti þær verða innleiddar.  Hægagangurinn sem hefur verið í þeirri vinnu er alfarið á ábyrgð samningarnefndar ríkisins og ekki hægt bíða þeirrar niðurstöðu til að okkar fólk fái löngu tímabærar launahækkanir.

Tekið er upp nýtt ákvæði að félagsmenn sem starfað hafa samfellt í 3 ár geta fengið launað leyfi í samtlas í þrjá mánuði til að stunda viðurkennt starfsnám.

Samningurinn verður kynntur félagsmönnum á næstu dögum og vikum en gert er ráð fyrir að atkvæðagreiðslu um hann ljúki 10. febrúar. (fréttin er tekin af vef Starfsgreinasambandsins)

Í gær hittust viðræðunefndir SGS og Sambands íslenskra sveitarfélaga hins vegar funda hjá Ríkissáttasemjara og funduðu fram eftir degi en ekki hefur verið fundað í deilunni síðan 19. desember sl. Eftir fundinn í gær (mánudag) var ákveðið að setjast yfir viðræðurnar og funda áfram í vikunni og freista þess að ná niðurstöðu.

Búast má við að fundað verði í viðræðum SGS og samninganefndar ríkisins síðar í þessari viku, en sá fundur hefur enn ekki verið boðaður.

Eins og fram hefur komið á opinberum vettvangi þá hefur vinna í vinnuhópi um málefni vaktavinnufólks farið fram samhliða viðræðunum, en í þeim hópi sitja fulltrúar frá SGS, BSRB, BHM og Félags hjúkrunarfræðinga og frá samninganefndum ríkisins, sveitarfélaga og Reykjavíkurborgar. Sú vinna hefur gengið hægt og er hluti af því hve seint gengur.