Ráðvillt og dofin þjóð!
Stjórn AFLs sat á fundi þegar Geir Haarde, forsætisráðherra ávarpaði þjóðina í dag. Stjórnarmenn setti hljóða. Ekki síst í ljósi þess að ekki hafði verið óskað samráðs við verkalýðshreyfinguna í aðdraganda þessarar ákvörðunar. En þrátt fyrir sambandsleysi milli ríkisstjórnar og aðila vinnumarkaðarins um helgina réttir ASÍ út höndina:
Í ljósi þeirra alvarlegu atburða sem nú eiga sér stað í íslensku fjármálalífi tekur Alþýðusamband Íslands undir þær áherslur ríkisstjórnarinnar að hagur almennings og fyrirtækja verði tryggður eins vel og kostur er. Alþýðusambandið lýsir sig reiðubúið til samstarfs við ríkisvaldið til að varðveita almannahagsmuni á þessum erfiðu tímum. Nú ríður á að allir leggist á eitt til að fjármálalegum stöðugleika verði náð sem fyrst. Sjá vef ASÍ
Svissneski bankinn UBS tilkynnti um 2000 uppsagnir í gær og hefur þá alls sagt upp 6000 starfsmönnum á einu ári. Bankinn hefur tapað 42 milljörðum dollara í þessari lánakrísu. Stjórnarformaðurinn hét því á blaðamannafundi í gær að yfirstjórn bankans myndi leggja hart að sér og auðsýna auðmýkt. (
Gísli Sverrir Árnason, stjórnsýslufræðingur, hefur í sumar unnið að kortlagningu heimilda um sögu verkalýðshreyfingarinnar á Austurlandi á vegum AFLs. Vinnu hans er að ljúka og kynnir hann lokaskýrslu sína á fundi á Gistiheimilinu á Egilsstöðum nk. föstudag kl. 14:00.
Mikilvægt er fyrir þá sem leigja íbúðarhúsnæði að þinglýsa leigusamningum sínum. Nú fyrir skömmu leysti Íbúðalánasjóður til sín nokkrar íbúðir á Austurlandi, sem voru í eigu eignarhaldsfélags, og þar sem leigusamningarnir voru óþinglýstir, virðist sem íbúar þurfi að yfirgefa íbúðirnar með litlum fyrirvara. En það er ekki nóg bara að þinglýsa samningunum.
Þekkingarnet Austurlands afhenti í hádeginu í dag Símenntunarverðlaun 2008 og hlaut AFL Starfsgreinafélag verðlaunin að þessu sinni en 2007 varð Svæðisskrifstofa málefna fatlaðra fyrir valinu. Í tilkynningu frá ÞNA segir m.a: