Mál starfsmanna GT verktaka á Kárahnjúkasvæði var fyrirsjáanlegt. AFL og fleiri verkalýðsfélög vöruðu við þessum aðstæðum m.a. í umsögnum til alþingis vegna laga sem samþykkt voru í maí sl. Ekkert var hlustað á verkalýðsfélögin og nú sitjum við öll í súpunni. Sjá lög um skyldur fyrirtækja með erlenda starfsmenn og umsögn AFLs um þau. Umsögin var skrifuð í febrúar og nú er allt að gerast sem við óttuðumst.
Fulltrúar AFLs á 1. þingi Starfsgreinasambands Íslands - en ákveðið var að hætta ársfundum og taka upp þing á 2ja ára fresti í staðinn. Úr stjórn gengu Guðmundur Þ. Jónsson, Reykjavík, Hjördís Baldursdóttir, Reykjavík, Pétur Sigurðsson, Vestfjörðum, Sveinn Hálfdánarson, Vesturlandi. Voru þeim færð blóm og þakkir fyrir vel unnin störf.
Nýkjörin framkvæmdastjórn SGS:
Formaður: Kristján Gunnarsson, VSFK
Varaformaður: Björn Snæbjörnsson, Eining-Iðja
Flutninga-,bygginga- og mannvirkjasvið
Sviðsstjóri: Már Guðnason, Vlf.Suðurlands
Varamaður: Þorsteinn Kristjánsson, Efling-stéttarfélag
Matvælasvið
Sviðsstjóri: Aðalsteinn Á. Baldursson, Vlf.Húsavíkur
Varamaður: Anna Júlíusdóttir, Eining-Iðja
Iðnaðarsvið
Sviðsstjóri: Sverrir Albertsson, AFL Starfsgreinafélag
Varamaður: Sigurey Agatha Ólafsdóttir, Efling-stéttarfélag
Þjónustusvið
Sviðsstjóri: Guðjón Arngrímsson, VSFK
Varamaður: Baldur Jónsson, Stéttarfélag Vesturlands
Svið starfsmanna ríkis og sveitarfélaga
Sviðsstjóri: Signý Jóhannesdóttir, Vlf. Vaka
Varamaður: Sigurrós Kristinsdóttir, Efling-stéttarfélag
Meðstjórnendur
Finnbogi Sveinbjörnsson, Vlf. Vestfirðinga
Hjördís Þ. Sigurþórsdóttir, AFL Starfsgreinafélag
Kolbeinn Gunnarsson, Vlf. Hlíf
Sigurður Bessason, Efling-stéttarfélag
Ásgerður Pálsdóttir, Stéttarfélagið Samstaða
Vilhjálmur Birgisson, Vlf. Akraness
Varamenn
1. Ragna Larsen, Báran Stéttarfélag
2. Linda Baldursdóttir, Vlf. Hlíf
3. Matthildur Sigurjónsdóttir, Eining-Iðja
4. Þórarinn Sverrisson, Aldan Stéttarfélag
5. Arnar Hjaltalín, Drífandi Stéttarfélag
6. Guðrún Fríða Pálsdóttir, Vlf. Snæfellsbæjar
Endurskoðendur
Fanney Friðriksdóttir, Efling-stéttarfélag
Sigurður T. Sigurðsson, Vlf.Hlíf
Varamaður: Benoný Benediktsson, Vlf.Grindavíkur
1. þingi SGS lauk í dag og átti AFL Starfsgreinafélag 16 fulltrúa á þinginu. Á heimasíðu Starfsgreinasambandsins www.sgs.is má sjá ályktanir þingsins. Hjördís Þóra Sigurþórsdóttir, formaður AFLs var kjörin í framkvæmdastjórn SGS og Sverrir Albertsson, framkvæmdastjóri AFLs var kosinn formaður Iðnaðarsviðs SGS og þar með í framkvæmdastjórn SGS einnig.
Þingfulltrúar alls staðar af landinu fylgdust með fréttum af málefnum Lettneskra starfsmanna GT er leituðu til AFLs og veittu tillögu fulltrúa AFLs um áskorun til félagsmálaráðherra um rannsókn á málinu, fylgi með dynjandi lófataki.
Í dag sendi fyrirtækið GT verktakar út fréttatilkynningar þar sem AFL Starfsgreinafélag er sagt hafa vænt tvo einstaklinga, starfsmenn GT, um fjárdrátt. Undirritaður, framkvæmdastjóri AFLs kannast ekki við að félagið hafi vænt nokkra einstaklinga um fjárdrátt - en forráðamenn GT vita ef til vill best hvað varð um þann mun greiddra launa og reiknaðra samkvæmt launaseðlum, sem starfsmenn fyrirtækisins segja hafa vantað í launaumslög sín.
Á meðan þing SGS stendur í Reykjavík dvelja 13 Letta í skjóli AFLs á Egilsstöðum eins og fram hefur komið fram í fréttum. Í gær bárust þær fréttir inn á þing SGS að lögreglan vildi ekki taka skýrslur af mönnunum þrátt fyrir ásakanir um að þeir hefðu með þvingunum og hótunum verið látnir kvitta fyrir mun hærri launum en greidd voru. Skýring lögreglu ku hafa verið að refsiákvæði vantaði í lög um atvinnuréttindi erlendra starfsmanna.
Af þessum sökum leituðu fulltrúar AFLs til félaga sinna á þinginu og meðfylgjandi áskorun var samþykkt.
