Verður haldinn miðvikudaginn 28. desember 2016 kl. 14:00 í húsnæði félagsins að Búðareyri 1 Reyðarfirði Dagskrá: 1. Skýrsla formanns 2. SSÍ þing 3. Kjaramál 4. Kosning stjórnar 5. Önnur mál Ferðir verða samræmdar á næstu skrifstofu félagsins. AFL Starfsgreinafélag Sjómannadeild
Verkfall sjómanna í AFLi Starfsgreinafélagi svo og öðrum sjómannafélögum landsins skellur á að nýju kl. 20:00 í kvöld 14. desember.
Greiddar verða verkfallsbætur til þeirra sem þegar hafa sótt um vegna fyrra verkfalls í nóvember. Næst verður greitt úr verkfallssjóði AFLs 10. janúar nk. og þurfa umsóknir að berast í síðasta lagi föstudaginn 6. janúar.
Skv. ákvörðun stjórnar Vinnudeilusjóðs AFLs verða verkfallsbætur jafnar kauptryggingu - þ.e. 10.800 kr. pr. virkan dag í verkfalli. Greitt verður frá og með öðrum virkum degi verkfalls. Þeir sem taka virkan þátt í verkfallsvörslu og skrá sig á skrifstofum félagsins til verkfallsvörslu fá 20% álag á verkfallsbætur sínar þá daga sem þeir eru við verkfallsvörslu.
Stundi félagsmaður launaða vinnu í verkfalli sjómanna - á hann ekki rétt á verkfallsbótum.
Samningur Sjómannasambands Íslands við SFS var kolfelldur. Alls voru á kjörskrá 1.098 sjómenn og atkvæðu greiddu 743 eða 68%. Já sögðu 177 eða 24% en nei sögðu 562 eða 76%. auðir seðlar voru 4.
Verkfall sjómanna AFLs Starfsgreinafélags hefst kl. 20:00 í kvöld.
Elísabet Gunnarsdóttir hefur verið ráðin forstöðumaður Listasafns ASÍ. Elísabet hefur áralanga reynslu af listmiðlun og rekstri listastofnana bæði hér heima og erlendis. Hún lagði stund á nám í arkitektúr í Skotlandi og Frakklandi og rak teiknistofuna Kol og salt til margra ára og var jafnfram virkur þátttakandi í rekstri Gallerís Slunkaríkis á Ísafirði. Frá 2003 stýrði hún listastofnun á vegum Norrænu ráðherranefndarinnar í Noregi og setti síðan á fót og mótaði nýja listastofnun á Fogo Island á austurströnd Kanada og stýrði henni fyrstu árin. Undanfarið hefur Elísabet unnið að ýmsum menningarverkefnum og sett á laggirnar alþjóðlegar gestavinnustofur - ArtsIceland - í samstarfi við Gallerí Úthverfu/Outvert Art Space á Ísafirði.
Sýningarsalur Listasafns ASÍ við Freyjugötu var sem kunnugt ert seldur fyrr á þessu ári. Rekstrarstjórn safnsins stefnir að því að efla vinnustaðasýningar og finna nýjar leiðir til að miðla verkum í eigu safnsins til almennings um land allt. Rekstrarstjórn Listasafns ASÍ býður Elísabetu velkomna til starfa og væntir góðs af samstarfinu við hana.
Konur sem eru með sveinspróf, á námssamninginn eða í námi í karlægri iðngrein eru boðnar á stofnfund Félags fagkvenna. Í meginmáli er tilgangur félagsins að búa til öflugt tengslanet milli kvenna í karllægum iðngreinum og fá fleiri konur í þau störf. Fundurinn verður haldinn næstkomandi mánudag, 28 nóvember, kl 20.00 í Vatnagörðum 20, 104 Reykjavík - húsi IÐAN