Í dag féllu í Héraðsdómi Austurlands dómar í 12 málum lettneskra starfsmanna gegn GT verktökum ehf. og lettnesku starfsmannaleigunnar Nordic Construction Line SIA. Lyktir málanna voru þær að GT verktakar voru sýknaðir en Nordic Construction Line, sem er í eigu sömu aðila og GT verktakar, var dæmt til að greiða mönnunum vangreidd laun.

Landsbankinn hefur opinberað upplýsingar sem hann neitaði AFLi og öðrum viðskiptavinum um 3. nóvember sl. og AFL stefndi bankanum og Landsvaka, peningamarkaðsfyrirtæki bankans, eftir á fimmtudag. sjá frétt mbl.

Í tilefni fréttar sjónvarps um tap AFLs Starfsgreinafélags vegna innlausnar á peningasjóðsbréfum félagsins í vörslu Landsvaka, dótturfyrirtækis Landsbankans, nýja og gamla, vill félagið koma eftirfarandi á framfæri.

Nordic Construction Line, lettneskt „skúffu“ fyrirtæki Gísla Sveinbjörnssonar og Trausta Finnbogasonar, eigenda GT verktaka ehf., hefur verið dæmt til að greiða 12 fyrrverandi starfsmönnum sínum laun á uppsagnarfresti og önnur vangoldin laun. Héraðsdómur Austurlands kvað upp dóm í dag, um ári eftir að málin komu upp. Lögmaður AFLs, Eva Dís Pálmadóttir hdl., stefndi fyrirtækjunum í mars sl. vegna brota á kjarasamningum. Brotin fólu meðal annars í sér að starfsmenn voru látnir kvitta fyrir móttöku hærri launa en þeir í raun fengu og féllst héraðsdómur á málatilbúnað starfsmannanna hvað þetta atriði varðar.

Gunnar R. Matthíasson, sjúkrahúsprestur, mun leiða samverustund í Hlymsdölum, Miðvangi 6, Egilsstöðum, í kvöld kl. 20:00 en sóknarprestar á Fljótsdalshéraði, félagsþjónustan og HSA hafa staðið fyrir samverustundum vegna erfiðs atvinnuástands og efnahagskreppu síðustu mánudaga.

Þetta verður síðasta samverustund með þessu sniði fyrir jól.