Skrifstofur AFLs Starfsgreinafélags verða lokaðar föstudaginn 4. mars nk. Þá má búast við að símakerfi félagsins verði í uppnámi sama dag. Lokun skrifstofa er vegna þess að tölvukerfi félagsins, þ.m.t. þjónustugátt starfsfólks, verður uppfærð og skipt um símakerfi. Eftir mikla yfirlegu var ákveðið að framkvæma þessa kerfisbreytingu á skrifstofutíma m.a. vegna kostnaðar. Þeir  félagsmenn sem eiga ósótta leigusamninga eða eftir að greiða leigu vegna orlofsíbúða eru hvattir til að gera það fyrir föstudag. Í neyðartilfellum er hægt að senda tölvupóst á Ten adres pocztowy jest chroniony przed spamowaniem. Aby go zobaczyć, konieczne jest włączenie w przeglądarce obsługi JavaScript. eða hringja í farsíma starfsmanna sem gefnir eru upp á heimasíðu okkar www.asa.is

Umræða um kjarasamninga síðustu vikurnar hefur vakið upp á heimilum og vinnustöðum umræðu um verkalýðspólitík – sem var kannski því miður næsta lítil síðustu ár. Þau skilyrði sem SA hefur sett fyrir því að ganga til samninga, þ.e. . SA-þóknanleg lausn í fiskveiðistjórnunarmálum svo og einstrengingsleg og nánast hrokafull afstaða til kröfugerða einstakra verkalýðssamtaka, kallar á að menn skoði enn og aftur tilgang og baráttuaðferðir verkalýðshreyfingarinnar.

Norska verkalýðshreyfingin er búin að setja löndunarbann á íslensk loðnuskip á meðan verkfalli bræðslumanna stendur.

Í dag afboðaði samninganefnd AFLs Starfsgreinafélags og Drífanda Stéttarfélags í fiskimjölsverksmiðjum, verkfall sem hefjast átti um 19:30 í kvöld. Þetta var erfið ákvörðun og eflaust mörgum sem voru tilbúnir til átaka, mikil vonbrigði. Við fulltrúar í samninganefnd skuldum því félögum okkar og félagsmönnum skýringar.

Mikill einhugur er í samninganefnd bræðslumanna AFLs og Drífanda. Samninganefndin hittist á fundi nú síðdegis og fór yfir stöðuna í viðræðum við SA og í ljósi frétta um viðræður ASÍ og SA í gær. Trúnaðarmenn félaganna í 8 bræðslum sátu fundinn, en fundarmenn voru staðsettir víða um land og nýttu símtæknina við fundinn.