Í dag var undirritaður kjarasamningur ASÍ og SA sem framlengir gildandi samninga fram undir áramót 2010. Ennfremur gerðu aðilar ásamt ríkisstjórninni og öðrum samböndum launafólks sáttmála sem stuðla á að enduruppbyggingu efnahagslífs eftir hrun frjálshyggjunnar.
Á föstudag var haldinn 100. stjórnafundur Landsmenntar . Landsmennt er fræðslusjóður verkafólks á landsbyggðinni og fyrirtækja á almenna markaðnum. Til sjóðsins var stofnað í kjarasamningum árið 2000 og tók hann til starfa 2001. Í tilefni þessa voru aðilafélögum og aðildarfyrirtækjum boðið til ársfundar þar sem kynntar voru helstu niðurstöður úr rekstri sjóðsins fyrir árið 2008 ásamt nýtingu félagsmanna og fyrirtækja á sjóðnum.
Sendum sjómönnum og fjölskyldum þeirra hátíðarkveðjur í tilefni sjómannadagsins sem er á morgun sunnudag.
Víðast hvar á austurlandi er hátíðardagskrá um helgina, hópsiglingar, víðavangshlaup, kaffisamsæti og dansleikir.
Í dag gengu fjögur stéttarfélög á Austurlandi, AFL Starfsgreinafélag, Félag opinberra starfsmanna á Austurlandi, Starfsmannafélag Fjarðabyggðar og VR, undir samning við Virk, Endurhæfingarsjóð. Samningurinn fjallar um aðkomu Endurhæfingarsjóðs, sem samið var um í síðustu kjarasamningum, að starfsendurhæfingu á Austurlandi.
Góður hópur félagsmanna AFLs hefur sótt námskeið í ferðaþjónustu síðustu daga hjá Þekkingarneti Austurlands á Egilsstöðum. Í morgun var farið í vinnusiðferði og kjarasamninga, réttindi og skyldur.
Starfsmaður AFLs var leiðbeinandi með hópnum í dag og smellti þessari mynd af flottum hóp ungs fólks sem sinnir ferðamönnum á Austurlandi í sumar.
