Atkvæðagreiðslu um kjarasamning RSÍ/AFLs við Alcoa Fjarðaál lauk kl. 10 í morgun og liggur niðurstaða fyrir úr henni.

Á kjörskrá voru 393 starfsmenn Alcoa og félagsmenn í RSÍ og AFLi en alls greiddu 180 atkvæði um samninginn eða 45,8%. Féllu atkvæði þannig:
Já sögðu 162 eða 90,0%
Nei sögðu 16 eða 8,9%
Auðir seðlar voru 2 eða 1,1%

Kjarasamningurinn telst því samþykktur. Sjá kjarasamning

Á föstudaginn var undirritaður nýr vinnustaðasamningur milli AFLs/RSÍ við Alcoa.
Samningurinn gildir frá 1 mars s.l. og er til 5 ára.
Kynningar og atkvæðagreiðsla um samninginn fara fram eftir verslunarmannahelgi. sjá hér

Samninganefndir SGS hafa gengið frá samkomulagi við samninganefnd ríkisins annars vegar og hins vegar samninganefnd Sambands Íslenskra Sveitarfélaga um frestun viðræðna. Í samkomulaginu er gengið frá því að það sem um semst í samningum sem undirritaðir verða fyrir 1. október mun gilda afturvirkt frá 1. maí síðastliðnum, eða frá þeim tíma þegar kjarasamningarnir runnu út. Vegna sumarleyfa samninganefnda óskuðu viðsemjendur SGS eftir frestuninni.

Atkvæðagreiðsla stendur nú yfir um kjarasamning félagsins og RSÍ við Alcoa Fjarðaál.

Henni lýkur 17. ágúst kl. 10:00 og mun niðurstaða hennar liggja fyrir fljótlega uppúr því.

Iðnaðarmannadeild AFLs hefur samþykkt kjarasamninga sem deildin gerði í samfloti við Samiðn í júní. 60% þeirra sem greiddu atkvæði sögðu já, 35% nei og 5% voru auðir og ógildir. Kosningin var rafræn og félaginu hefur ekki borist fundargerð kjörstjórnar svo ekki liggja fyrir tölur um þátttöku.