Starfsgreinasamband Íslands f.h. aðildarfélaganna 18 hefur á liðnum mánuðum verið í viðræðum við Samband Íslenskar sveitarfélaga um endurnýjun kjarasamnings milli aðila sem runnu út í lok mars s.l.
Í gær var skrifað undir nýjan kjarasamning til fjögurra ára, en viðræðum hafði áður verið vísað til ríkissáttasemjara. AFL starfsgreinafélag dró umboð sitt til baka frá Starfsgreinasambandinu áður en skrifað var undir vegna deilu um sérákvæði við Sveitarfélagið Hornafjörð sem engar viðræðum hafa fengist um.
Sérákvæði eiga sér forsögu og eru frá þeim tíma þegar samið var sérstaklega við hvert sveitarfélag fyrir sig. Þegar gerður var miðlægur kjarasamningur fyrir ca tveim áratugum síðan var það samkomulag milli stéttarfélagsins og viðkomandi sveitarfélags að halda í ýmis ákvæði sem eru fjölmörg í kjarasamningum við hin ýmsu sveitarfélög. Ekkert sveitarfélag hefur leitast við að losna undan þessum eldri ákvæðum nema Sveitafélagið Hornafjörður sem nú gengur fram og svíkur gamalt samkomulag.
Til að bíta höfuðið af skömminni hafa forsvarsmenn sveitarfélagsins neitað að ræða málið og sýna þar í verki virðingarleysi við starfsmenn sveitarfélagsins.
Það að umboðið var dregið til baka þýðir, að ósamið er við öll sveitarfélögin á félagssvæði AFLs vegna afstöðu Hornafjarðarbæjar.
Átján aðildarfélög Starfsgreinasambands Íslands, þar með talið AFL Starfsgreinafélag, eru aðilar að samningum sem gildir frá 1. apríl 2024 til 31. mars 2028. Samningurinn er á svipuðum nótum og aðrir þeir samningar sem ríkið hefur gengið frá að undanförnu.
Fyrirkomulag kynninga til félagsmanna AFLs sem starfa samkvæmt kjarasamningnum hjá stofnunum ríkisins liggur fyrir fljótlega svo og atkvæðagreiðsla sem lýkur 8. júlí.
Þann 19. júní s.l. var samningaviðræðum við sveitarfélögin vísað til ríkissáttasemjara.
Þrátt fyrir fjölmarga samningafundi milli aðila hafa viðræður ekki skilað þeim árangri sem SGS getur sætt sig við.
Fyrsti fundur í deilunni undir stjórn sáttasemjara var í morgun og hefur verið boðað til annars fundar í fyrramálið. AFL er aðili að viðræðunum með SGS ásamt öðrum 17 aðildarfélögum Starfsgreinasambandsins.
Engar viðræður hafa enn fengist vegna sérákvæða við sveitarfélagið Hornafjörð
Formannafundur Starfsgreinasambands Íslands lýsir yfir fullum stuðningi við félaga sína í Færeyjum, en félagsfólk í Foroya arbeiðarafélagi, Havnar arbeiðarafelagi, Klaksvíkar arbeiðskvinnufelagi og Klaksvíkar arbeiðsmannafelagi hefur nú í á fjórðu viku staðið í umfangsmiklum verkfallsaðgerðum sem enn sér ekki fyrir endann á.
Formannafundur SGS beinir því jafnframt til síns félagsfólks að ganga hvorki beint né óbeint í störf færeyskra félaga sinna á meðan á aðgerðum stendur.
AFL Starfsgreinafélag tekur undir stuðningsyfirlýsingu SGS og hvetur félagsmenn til að ganga ekki í störf verkfallsfólks.
Búið er að opna orlofsvef félagsins fyrir almennar bókanir í tímabil í sumarhúsum félagsins sem eru enn laus eftir úthlutun. Búið er að bjóða öllum á biðlista - þ.e. þeim sem sóttu um orlofshús í sumar en fengu ekki - að breyta umsóknum sínum að þeim tímabilum sem enn voru laus og nýttu fjölmargir sér það. Enn eru samt eftir nokkur tímabil sem eru laus og geta nú allir félagsmenn bókað beint án þess að það fari í gegnum skrifstofu félagsins.
Bókunarvefurinn er á "mínum síðum" í hlekknum hér að ofan og innskráning er með rafrænum skilríkjum eða með lykilorði.
