Félagsmenn AFLs Starfsgreinafélags sem taka laun skv. almennum kjarasamningum verkafólks og iðnaðarmanna fengu um síðustu mánaðarmót taxtahækkanir í samræmi við samþykkta kjarasamninga  - sjá hér.  Ath. Taxtahækkun einstakra hópa þegar launaflokkabreytingar eru teknar með geta numið allt að kr. 10.339.   Félagsmenn með laun frá 230.000 - 285.715 fá kr. 8.000 hækkun á mánaðarlaun.  Félagsmenn með mánaðarlaun yfir 285.715 fá 2,8% hækkun launa.

Boðað er félagsfundar í verslunarmannadeild AFLs þriðjudaginn 28. janúar 2014 kl 18:00 að Víkurbraut 4 Hornafirði

Dagskrá:
1. Kjarasamningarnir
2. Næstu skref
3. Breyting á reglum starfsmenntasjóðsins
4. Önnur mál.

Ferðir á fundinn eru skipulagðar á skrifstofum félagsins.

Verkamenn og iðnaðarmenn samþykkja - verslunarmenn fella

51,56% greiddra atkvæða verkamannadeildar AFLs staðfestu nýgerðan kjarasamning félagsins við Samtök atvinnulífsins en 47,92% greiddu atkvæði gegn staðfestingu samningsins. Auðir og ógildir voru 0,52%.  Kjörsókn í verkamannadeild var 39,57%. 

Iðnaðarmannadeild AFLs Starfsgreinafélags staðfesti nýgerðan kjarasamning Samiðnar við SA með 54,29% atkvæða á meðan 45,71 sögðu nei. Auðir og ógildir voru 0%.  Kjörsókn var 42,68%.

Verslunarmenn felldu nýgerðan kjarasamning Landssambands íslenskra verslunarmanna með 63,64% greiddra atkvæða en 34,85% sögðu já. Auðir og ógildir voru 1,52%.  Kjörsókn var 40,24%.

Atkvæðagreiðslu um nýgerða kjarasamninga lýkur á um hádegi á þriðjudag.  Einungis verða talin atkvæði sem komist hafa til kjörstjórnar áður en talning hefst.  Á mánudag verður hægt að koma atkvæðum til skrifstofa félagsins eða til trúnaðarmanna en hætt verður að taka við atkvæðum á skrifstofum félagsins á mánudagskvöld.

Bæjarráð Fjarðabyggðar hefur ákveðið að fella úr gildi hækkun á gjaldskrám leikskóla, skóladagheimila og tónlistarskóla sem taka áttu gildi um áramótin.
Í greinargerð bæjarráðs segir að sveitarfélagið Fjarðabyggð vilji leggja sitt af mörkum til þess að verðlag haldist stöðugt í landinu og afturkalli því hækkanir á umræddum gjaldskrám. 

100% þátttaka hjá Toppfisk á Bakkafirði

 Atkvæðaseðlar í kosningu um nýgerða kjarasamninga eru byrjaðir að berast í hús. Víða á félagssvæðinu hafa félagsmenn skilað atkvæðaseðlum á skrifstofur félagsins eða til trúnaðarmanna og í dag kom trúnaðarmaður AFLs Starfsgreinafélags hjá Toppfiski á Bakkafirði með atkvæðaseðla félagsmanna hjá Toppfiski.  Svo virðist sem 100% þátttaka hafi verið meðal félagsmanna starfandi hjá fyrirtækinu.