AFL starfsgreinafélag

Til góðra verka!

AFL starfsgreinafélag AFL starfsgreinafélag AFL starfsgreinafélag AFL starfsgreinafélag AFL starfsgreinafélag AFL starfsgreinafélag AFL starfsgreinafélag

Þing SGS skorar á Jóhönnu

Á meðan þing SGS stendur í Reykjavík dvelja 13 Letta í skjóli AFLs á Egilsstöðum eins og fram hefur komið fram í fréttum. Í gær bárust þær fréttir inn á þing SGS að lögreglan vildi ekki taka skýrslur af mönnunum þrátt fyrir ásakanir um að þeir hefðu með þvingunum og hótunum verið látnir kvitta fyrir mun hærri launum en greidd voru. Skýring lögreglu ku hafa verið að refsiákvæði vantaði í lög um atvinnuréttindi erlendra starfsmanna.

Af þessum sökum leituðu fulltrúar AFLs til félaga sinna á þinginu og meðfylgjandi áskorun var samþykkt.

picture_3001.   Þing Starfsgreinasambands Íslands skorar á félagsmálaráðherra að beita sér nú þegar fyrir því að teknar verði skýrslur af erlendum starfsmönnum er leitað hafa til AFLs Starfsgreinafélags í dag og sjá til þess að málum þeirra verði fylgt eftir af fylgstu hörku. Í ljós hefur komið að yfirlýsingar og loforð er fyrirtækin sem höfðu mennina í vinnu, gáfu Vinnumálastofnun fyrir skömmu, eru einskins virði og tíminn síðan þá hefur ekki verið notaður til að leiðrétta mistök eins og talað var um, heldur hefur brotum og svikum verið haldið áfram og reynt að hylja slóðina og nú síðast í dag var reynt að koma þessum mönnum úr landi eftir að ljóst var að þeir höfðu leitað liðsinnis verkalýðsfélags. Fram hefur komið í viðtölum við þessa menn að þeir hafa verið þvingaðir með hótunum og vísan til fátæktar og atvinnuleysis í heimalandi þeirra, til að kvitta fyrir móttöku mun hærri launa en þeir hafa þegið. Samkvæmt upplýsingum þeirra hafa þeir fengið greiddar 135.000 krónur á mánuði fyrir 12 tíma vinnudag, 6 daga vikunnar. Ennfremur áréttar 1. Þing SGS það sem ítrekað hefur komið fram í yfirlýsingum einstakra aðildarfélaga, að núverandi lagarammi ræður engann veginn við aðstæður sem skapast þegar glæpafyrirtæki fara að misnota atvinnufrelsi íbúa ríkja fyrrum Austantjaldsríkja