AFL starfsgreinafélag

Styrkir

Til að félagsmaður eigi rétt á styrk úr sjóðnum, þarf atvinnurekandi að hafa greitt 1% iðgjald af launum hans til sjóðsins í a.m.k. 10 vikur.  Full réttindi ávinnast á sex mánuðum. Félagsmenn eiga hlutfallslegan rétt frá tíundu viku þar til fullum rétti er náð. Lámarksgreiðsla þarf þó að hafa náð 9000 kr. til að fullur réttur myndist.


Sótt er um styrki á þar til gerðum eyðublöðum. Umsókninni þarf ávallt að fylgja löggild greiðslukvittun, auk annarra upplýsinga, þar sem það á við.


Hægt er að sækja um styrki til:

  • Heilsueflingar: Félagið greiðir 25% af kostnaði þó ekki hærri upphæð en 15.000 kr. á ári. Umsókninni þarf að fylgja löggild greiðslukvittun.
  • Heyrnatækjakaupa: Greitt er 50% af kostnaði þó ekki hærri upphæð en 150.000 kr. á þriggja ára fresti.
  • Sjúkraþjálfunar/Sjúkranudds/ Kírópraktor: Greitt er 50% af kostnaði, allt að 30 tímar á ári. Tilvísun frá lækni þarf að fylgja umsókn.
  • Sjúkraþjálfunar barna: Greitt er 50% af kostnaði,  allt að 30 tímar á ári. Tilvísun frá lækni þarf að fylgja umsókn.
  • Hjartaverndar: Greitt er 50% af kostnaði þó ekki hærri upphæð en 15.000 kr. á ári.
  • Krabbameinsskoðunar: Greitt er grunngjald krabbameinsleitar. Auk þess viðbótarskoðun þó að hámarki 15.000 kr.
  • Ferðakostnaðar vegna læknisþjónustu: Hafi félagsmaður fengið synjun um greiðslu frá Sjúkratryggingum Íslands greiðir félagið 100% samkvæmt farseðlum og/eða kílómetragjald samkvæmt reglum Sjúkratryggingar Íslands bensínnótur þurfa að fylgja umsókn. Vottorð um að nauðsynlega ferð, staðfestingu á komu til læknis þurfa að fylgja umsókn. Hámark 6 ferðir á ári.
  • Ferðakostnaðar vegna læknisþjónustu barns: Hafi félagsmaður fengið synjun um greiðslu frá Sjúkratryggingum Íslands greiðir félagið 50% vegna ferðar með barn sé annað foreldri í félaginu og 100% séu báðir foreldrar félagsmenn. Greitt er samkvæmt farseðlum og/eða kílómetragjald samkvæmt reglum Sjúkratryggingar Íslands, bensínnótur þurfa að fylgja umsókn. Hámark 6 ferðir
  • Gleraugnakaupa: Greitt er 50% af glerjum, einu sinni á tveggja ára tímabili.
  • Gleraugnakaupa barns: Greitt er 50% af glerjum, einu sinn á tveggja ára tímabili.
  • Laseraðgerðar/Augnsteinaskipti: Greitt er 50% af kostnaði að hámarki 75.000 kr. fyrir hvort auga, samtals 150.000 kr.
  • Tæknifrjóvgunar: Greitt er 50% af kostnaði þó ekki hærri upphæð en 200.000 kr.
  • Sálfræðiþjónusta: Greitt er 50% kostnaðarhlutdeild félagsmanns, allt að 6 viðtölum á 24 mánaða tímabili, þó ekki hærri upphæð í heildina en kr. 35.000. Meðferðaraðili skal vera sálfræðingur sem hlotið hefur starfsleyfi Landlæknisembættisins. (gildir frá 1.5.2017)

Samkvæmt. 13. gr. Styrkir,  Reglugerð sjúkrasjóðs