Fjöldauppsagnir að taka gildi

Á vinnusvæði Arnarfells við Hraunaveitu á Kárahnjúkasvæðinu var í lok september tilkynnt um uppsagnir 90 starfsmanna Arnarfells, 88 starfsmanna undirverktaka Arnarfells og auk þess hætta störfum 15. okt. um 55 starfsmenn sem voru á tímabundnum ráðningarsamningum.

Uppsagnirnar voru tilkynntar til Vinnumálastofnunar og trúnaðarmanns starfsmanna smbr. lög um hópuppsagnir. Í sumar voru á vinnusvæði Arnarfells 350 - 400 starfsmenn en veruleg fækkun verður yfir vetrarmánuðina. Ástæður uppsagnanna er sögð í tilkynningu fyrirtækisins vera "samdráttur í framleiðslu fyrirtækisins yfir vetrarmánuðina og lok ýmissa verkefna."