Kröfugerð lögð fram
Veruleg hækkun lágmarkslauna - Launataxtar hækkaðir um kr. 20.000 og lágmarkslaun verði 150.000. Almenn hækkun verði 4% - Sjá kröfur SGS
Forysta SGS og Flóabandalagsins lögðu fram kröfur aðildarfélaga Starfsgreinasambandsins og Flóans á fundi með forystu Samtaka Atvinnulífsins í dag. Á sama fundi lagði Hjördís Þóra, formaður AFLs, fram kröfur félagsins fyrir hönd starfsmanna í fiskimjölsverksmiðjum. Kröfurnar eru sameiginlega með Drífanda í Vestmannaeyjum og Verkalýðsfélagi Akraness.
Fyrir utan sameiginlegar kröfur Starfsgreinasambandsfélaganna eru einnig lagðar fram kröfur fyrir einstök svið, s.s. matvælasvið (fiskvinnsla og kjötvinnslur), mannvirkia-og flutningarsvið, iðnaðarsvið og þjónustusvið. Í kröfum sviðanna er m.a. fjallað um hækkun launaflokka og sérkröfur er tengjast hverri atvinnugrein.
