SA hótar AFLi

Í kjölfar þess að slitnaði upp úr viðræðum um kjarasamning fiskimjölsverksmiðja hefur SA (Samtök atvinnulífsins) tilkynnt að ekki verði unnt að ganga frá kjarasamningi við Starfsgreinasamband Íslands með samning fiskimjölsverksmiðja opinn.

Þessi hótun SA felur í sér að samninganefnd SGS verður að taka afstöðu til þess hvort starfsmönnum fiskimjölsverksmiðja verði sýnd samstaða í verki eða hvort AFL muni draga sig úr sameiginlegum samningaviðræðum Starfsgreinasambandsins og fara sjálft með gerð aðalkjarasamnings.

Það sem vekur furðu forystu AFLs í þessu máli er að samkomulag hafði náðst um nánast öll efnisatriði samnings fiskimjölsverksmiðja er SA krafðist þess að ákvæði um að samningurinn verði afgreiddur með sameiginlegri atkvæðagreiðslu starfsmanna fiskimjölsverksmiðja yrði tekið út - og samningurinn þannig felldur inn í aðalkjarasamning.

Hér yrði um að ræða grundvallarbreytingu að mati samningamanna AFLs og þar sem bræðslumenn hafa um langt árabil samið sjálfstætt um kaup sitt og kjör og afgreitt samninga með eigin atkvæðagreiðslum væri verið að afsala samningsrétti þeirra.

Mál þetta snýst því um grundvallaratriði varðandi samningafrelsi starfsmanna fyrirtækja/ starfsgreina sem gert er ráð fyrir í lögum um stéttarfélög og vinnudeilur. Samninganefnd AFLs verður boðuð til fundar á næstu dögum til að fjalla um þetta mál og stöðuna í kjarasamingumþ