Starfsendurhæfing Austurlands

Starfsendurhæfing Austurlands var formlega stofnuð 14. nóvember 2007 af 18 stofnaðilum á Austurlandi, þ.e. AFLi starfsgreinafélagi, Framhaldsskólanum í Austur Skaftafellssýslu, Heilbrigðisstofnun Austurlands, Heilbrigðisstofnun Suðausturlands, Menntaskólanum á Egilsstöðum, Samtökum sveitafélaga á Austurlandi, Verkmenntaskóla Austurlands, Verslunarmannafélagi Austurlands, Vinnumálastofnun Austurlands, Þekkingarneti Austurlands, Þróunarfélagi Austurlands, Stapa - lífeyrissjóði, og sveitarfélögunum Djúpavogshreppi, Fjarðabyggð, Fljótdalshéraði, Hornafirði, Seyðisfjarðarkaupstaður og Vopnafjarðarhrepp.

Tilgangur og markmið Starfsendurhæfingarinnar Austurlands er að aðstoða fólk sem lendir utan vinnumarkaðar um lengri eða skemmri tíma vegna t.d. sjúkdóma, félagslegra aðstæðna eða annarra hluta, og endurhæfa til vinnu/ og eða náms auka lífsgæði og endurnýja starfsþrek.
Lögð er áhersla á að endurhæfingin fari sem mest fram í heimabyggð þeirra sem hennar njóta og að allar stoðir nærsamfélagsins séu nýttar, s.s. heilbrigðiskerfið, mennta-og fræðslukerfið, félagsþjónusta, iðjuþjálfar og sjúkraþjálfarar og fleiri aðilar.

Starfsendurhæfing Austurlands heimasíða

Í undirbúningsstjórn fyrir stofnun Starfsendurhæfingar Austurlands sátu:
Sverrir Albertsson AFLi, formaður, Eyjólfur Guðmundsson framhaldsskólanum í Austur Skaftafellssýslu, Þórarinn Baldursson HSA, Helga Jónsdóttir Fjarðabyggð, Óðinn Gunnar Óðinsson Fljótsdalshéraði, Ólöf Guðmundsdóttir Vinnumálastofnun á Austurlandi.

Eftirfarandi aðilar voru stofnaðilar en fleiri lýstu áhuga fyrir því að slást í hópinn:

Björn Hafþór Guðmundsson  Formaður Sambands sveitarfélaga á Austurlandi	Þorvaldur Jóhannsson  Formaður stjórnar Þekkingarnets Austurlands
Stefán Stefánsson  Framkvæmdastjóri Þróunarfélags Austurlands	Einar Rafn Haraldsson  Framkvæmdastjóri Heilbrigðisstofnunar Austurlands
Sverrir Albertsson  Framkvæmdastjóri AFLs Starfsgreinafélags	Eyjólfur Guðmundsson  Skólameistari Framhaldsskóla Austur-Skaftafellssýslu
Helga M. Steinsson Skólameistari Verkmenntaskóla Austurlands	Helgi Ómarsson Skólastjóri, Menntaskólanum Egilsstöðum
Guðrún Júlia Jónsdóttir       Framkvæmdastjóri Heilbrigðisstofnunar Suð-austurlands	Kári Arnór Kárason Framkvæmdastjóri Stapa lífeyrissjóðs
Kristín M. Björnsdóttir  Formaður Verslunarmannafélags Austurlands	Helga Jónsdóttir Bæjarstjóri Fjarðabyggð
Soffía Lárusdóttir Framkvæmdastjóri Svæðisskrifst. málefna fatlaðra Austurl.	Ólöf Guðmundsdóttir Forstöðumaður Vinnumálastofnunar á Austurlandi
Þorsteinn Steinsson Sveitarstjóri Vopnafirði	Hjalti Þór Vignisson Bæjarstjóri Hornafirði
Ólafur Sigurðsson Bæjarstjóri Seyðisfirði	Eiríkur B. Björgvinsson Bæjarstjóri Fljótsdalshéraði

Tilhögun endurhæfingarinnar:

„Æskilegast er að endurhæfing hefjist eins fljótt og hægt er eftir að ljóst er að einstaklingur er að hverfa af vinnumarkaði vegna aðstæðna sem unnt er að vinna úr. Þannig gæti tilvísun til starfsendurhæfingar komið frá lækni, fulltrúum Svæðisvinnumiðlunar, félagsmálafulltrúum sveitarfélaga og/eða öðrum aðilum sem fólk leitar til í erfiðleikum.

Viðkomandi einstaklingur fer síðan í viðtal og mat endurhæfingarsérfræðings sem að lokum gerir heilstæða endurhæfingaráætlun með viðkomandi einstaklingi. Gerður er undirskrifaður samningur um þátttöku.

Endurhæfingin er sniðin fyrir hvern einstakling en getur t.d.verið fólgin í:
• Sjúkraþjálfun
• Iðjuþjálfun
• Námskeiðum
• Sjáflseflingu
• Hópefli
• Viðtölum og sálfræðilegri aðstoð
• Fjármálaráðgjöf
• Starfsþjálfun“

* (Úr undirbúningsskýrslu AFLs)