Upplýsingar frá Alþýðusambandi Íslands

Hér til hægri á heimasíðu okkar eru tenglar inn á upplýsingapésa er lögfræðisvið Alþýðusambands Íslands hefur unnið síðustu daga. Þar er m.a. fjallað um uppsagnir, ákvæði laga og kjarasamninga við uppsagnarferil, hópuppsagnir og fleira. Þá er fjallað um ábyrgð á innistæðum og útskýrður munur á mismunandi tegundum innlánsreikninga.

Starfsfólk AFLs vinnur nú að því að útbúa upplýsingabækling um ýmis atriði er tengjast þessum efnahagsþrengingum er þjóðin gengur nú í gegnum. Stefnt er að því að gerð bæklingsins ljúki nú í dag og hann fari í dreifingu á öll heimili á Austurlandi á mánudagsmorgun.