Þátttaka sjómanna AFLs góð

Lokið er talningu úr atkvæðagreiðslu aðildarfélaga SSÍ um kjarasamninginn sem gerður var 17. desember síðastliðinn milli SSÍ og LÍÚ.

Við undirritun samningsins var ákveðið að talning aðildarfélaga innan Sjómannasambandsins yrði sameiginleg. Þátttaka í atkvæðagreiðslunni var dræm. Af þeim 1971 sem voru á kjörskrá kusu 388 sjómenn um samninginn eða tæp 20%. Atkvæði féllu þannig að já sögðu 329 eða 84,8% af þeim sem kusu. Nei sögðu 45 eða 11,6%. Auðir og ógildir seðlar voru 14 eða 3,6%. Samningurinn er því samþykktur.Þátttaka hjá AFLi var mun betri, en í heildina hjá félögum innan sambansins, en af 186 sjómönnum sem voru á kjörskrá tóku 71 þátt eða rúmlega 38%.