AFL aðili að framlengingu samninga

AFL Starfsgreinafélag er aðili að framlengingu kjarasamninga sbr. frétt hér að neðan. Í gær var í fréttum að fimm aðildarfélögum ASÍ hefði borist bréf þar sem þau voru spurð hvort félögin óskuðu að rjúfa sig úr samfloti með öðrum aðildarfélögum ASÍ.

AFL Starfsgreinafélag svaraði erindi forseta ASÍ ekki að öðru leyti en að vísa í samþykkt samninganefndar AFLs og það að aldrei hefði komið til greina af hálfu AFLs að rjúfa samstöðu aðildarfélaga - þrátt fyrir að framlenging samninga nú hefði ekki verið með þeim hætti er AFL hefði viljað - enda verkalýðshreyfingin lýðræðisleg hreyfing og sjónarmið samninganefndar AFLs hefðu einfaldlega ekki notið stuðnings nema lítils hluta innan ASÍ.

Því tekur framlenging samninga einnig til félagsmanna AFLs.