Félagsleg undirboð í vegagerð

Afleiðingar efnahagslægðarinnar koma m.a. fram í undirboðum í vegagerð og framkvæmdum en athygli vekur að tilboð í vegaframkvæmdir hafa farið niður fyrir 60% af kostnaðaráætlunum. Þegar heyrast sögur um undirboð og afarkosti sem starfsmönnum eru settir m.a. varðandi kjör undir lágmarkskjörum kjarasamninga.

Þegar Vegagerð eða aðrir opinberir aðilar taka tilboði verktaka þarf viðkomandi að leggja fram bankaábyrgðir fyrir því að hann geti lokið verkinu. Það eru því í raun bankar í eigu ríkisins sem ábyrgjast.

Hætta er á, eins og sagan sýnir, að verktakar sem bjóða langt undir áætluðum kostnaði, fari síðan í þrot með langa skuldaslóð og kostnaði velt á ábyrgðasjóð launa og aðra.