Ársfundur í undirbúningi

Ársfundur trúnaðarmanna 2010 er í undirbúningi. Fundurinn verður haldinn í húsnæði félagsins að Búðareyri 1 dagana 26. - 27. mars og er opinn trúnaðarmönnum félagsins. Þema fundarins að þessu sinni er innra starf félagsins.

Áformað er að fundurinn verði að mestu helgaður starfi félagsins og stefnumótun og ólíkt því sem áður hefur verið - verða ekki sóttir framsögumenn utan svæðis heldur verður öll áhersla lögð á hópavinnu trúnaðarmanna og mestur tími fundarins helgaður þeirri vinnu.

Endanleg dagskrá liggur ekki fyrir en hún verður kynnt þeim trúnaðarmönnum sem rétt eiga til setu á fundinum um leið og hún liggur fyrir.