Launahækkanir?

Frestun launahækkana 2009 byggði m.a. á stöðugleikasáttmála verkalýðshreyfingarinnar við Samtök Atvinnulífsins og ríkisvald.  Efndir ríkisvalds hafa ekki verið miklar og nægir að minna á að nánast engar verklegar framkvæmdir eru á dagskrá eða hafa verið boðaðar. Nú hafa Samtök Atvinnulífsins sagt sig frá stöðugleikasáttmálanum og því hljóta launahækkanir þær er félagsmenn samþykktu frest á að koma til framkvæmda.

Samninganefnd ASÍ sem fer með sameiginleg mál kjarasamninga aðildarsambanda, mun halda fund kl. 12 í dag og fara yfir stöðuna og loks hefur fundur formanna ASÍ félaga verið boðaður nk. mánudag.

Það virðist því sem skötuselurinn hafi komið að stað atburðarrás sem auðveldlega getur endað með hörðum átökum á vinnumarkaði.

Sjá umfjöllun Eyjunnar um málið.  http://eyjan.is/blog/2010/03/25/asi-telur-sig-svikid-af-stjornvoldum-og-atvinnurekendum-laun-haekki-segi-sa-sig-fra/