Tvö ár í næsta ársfund ASÍ?

Gylfi Arnbjörnsson var endurkjörinn forseti ASÍ til tveggja ára á nýafstöðnum ársfundi ASÍ er lauk á föstudag. Signý Jóhannesdóttir, SGS, var kjörin varaforseti, en Ingibjörg Guðmundsdóttir fyrrverandi varaforseti gaf ekki kost á sér til endurkjörs.

Sverrir Albertsson, AFLi, er setið hefur í miðstjórn ASÍ, var ekki í kjöri til miðstjórnar, en fulltrúum SGS fækkaði um einn. Hann hlaut kjör sem varamaður.

Ályktanir og afgreiðslu ársfundarins má sjá hér og lagabreytingar hér. Formaður AFLs, Hjördís Þóra, vakti athygli á því hvort rétt væri að fara í þing á tveggja ára fresti úr ársfundum, á þessum sviptingatímum en tillögur um lagabreytingar voru fluttar sem einn pakki og ekki var unnt að greiða sérstaklega atkvæði um þennan lið og fór svo að lagabreytingarnar voru samþykktar með nokkrum meirihluta gegn m.a. atkvæðum flestra fulltrúa AFLs.

Á myndinn má sjá nokkra fulltrúa AFLs Starfsgreinafélags en félagið átti 14 fulltrúa á ársfundinum.