Formanni falið að undirbúa allsherjarverkfall

Á fundi samninganefndar AFLs sem var að ljúka, var formanni félagsins, Hjördísi Þóru Sigurþórsdóttur, falið að hefja undirbúning boðunar allsherjarverkfalls á félagssvæði AFLs.

Tillagan var samþykkt með atkvæðum allra fundarmanna sem var fjölsóttur og var mikill einhugur í fundarmönnum - sem komu allt frá Vopnafirði og suður í Hornafjörð.

Formanni var falið að boða annan fund er tillaga um verkfallsboðun liggur formlega fyrir með dagsetningu verkfalls og umfangi og var henni falið að hafa samráð við önnur félög og sambönd innan Alþýðusambands Íslands um aðgerðir.