16% fengu ekki kauphækkun - 30% hafa áhyggjur af fjármálum

Tæplega 16% félagsmanna AFLs fengu engar launahækkanir út úr síðustu kjarasamningum samkvæmt skoðanakönnum sem félagið lét gera.

Tvennt getur komið til, annars vegar að viðkomandi hafi verið búnir að semja um að fá hækkanirnar þær fyrirfram eða að félagsmennirnir hafi verið hlunnfarnir af þessum hækkunum.

Félagið hvetur þá sem það getur átt við um til að snúa sér til næstu skrifstofu félagsins, með launaseðlana fyrir 2011 og láta yfirfara þá.

Þetta er niðurstaða umfangsmikillar skoðanakönnunar er AFL og Eining Iðja hafa látið vinna fyrir félögin og varða fjölmarga þætti afkomu og viðhorfs til ýmissa mála. Niðurstöður könnunarinnar verða birtar í heild á heimasíðum félaganna á mánudag.

Meðal niðurstaða má einnig nefna að um 30% félagsmanna hafa áhyggjur af fjárhagsstöðu sinni á meðan 70% telja ekki ástæðu til þess og að um 1,8% félagsmanna hafa misst húsnæði sitt í kjölfar efnahagshrunsins 2008,