AFL kallar á raunhæfar aðgerðir

- samþykkt stjórnar félagsins um niðurskurð aflaheimilda AFL Starfsgreinafélag kallar eftir raunverulegum mótvægisaðgerðum stjórnvalda við aflaniðurskurði á næsta fiskveiðiári og að að hugað sé að þvi að þær skili sér fyrst og fremst á þau svæði landsins sem verst verða fyrir á barðinu samdrætti sem skapast vegna minnkandi sjávarafla. Jafnframt leggur félagið áherslu á að þegar verði gripið til aðgerða sem auðveldi starfsfólki við veiðar og vinnslu að skipta um starfsvettvang komi til uppsagna. Félagið mun í þessu skyni kalla eftir samráði með Þekkingarneti Austurlands, stjórnvöldum og fyrirtækjum. Brýnt er að flýta þarfagreiningu vegna sí-og endurmenntunar á Austurlandi og að höfðu samráði við félagsmenn okkar á þeim svæðum sem verst verða úti, efna til endurmenntunar og starfsþjálfunar sem gerir félagsmönnum auðveldara um vik í atvinnuleit.