Fyrirlestrar um staðbundið veðurfar

Dagana 11. og 12. janúar mun Austurbrú standa fyrir erindum um staðbundið veðurfar á Austurlandi. Fyrirlesari er Einar Sveinbjörnsson, veðurfræðingur, en hann hefur heimsótt bæi og þorp víða um land og rætt við heimamenn um hinar stóru breytur sem áhrif hafa á staðbundið veðurfar

Fyrri fyrirlesturinn verður haldinn á Vonarlandi á Egilsstöðum. Þar verður farið í einkenni veðurlags á Austurlandi og einkum á Héraði. Rakið hver áhrif fjalla og dala eru á hita, vind, úrkomu og snjóalög. Skoðað hversu mikil áhrif sjórinn og sjávarhitinn hefur á veðurfar og hvaða afleiðingar hlýnandi veður hefur á Austurlandi. Einnig verður fjallað um hvaða gagn má hafa af veðurspám og hvernig þekking fólks á staðbundnu veðri getur aukið gagnsemi þeirra.
Seinni fyrirlesturinn verður í Safnahúsinu í Neskaupstað. Efnistök verða svipuð en sjónum beint að fjörðunum og þá einkum Norðfirði.

Sem fyrr segir er það Austurbrú sem stendur fyrir heimsókn Einars en verkefnið er styrkt af SÚN – Samvinnufélagi útgerðarmanna í Neskaupstað og Afli Starfsgreinafélagi.
Texti við mynd: Einar Sveinbjörnsson, veðurfræðingur.
Staður og tími:
Egilsstaðir - Vonarland, 11. janúar (föstudagur) frá 19:30 til 22:00.
Neskaupstaður – Safnahúsið, 12. janúar (laugardagur) frá 13:00 til 15:30.
Ókeypis er á báða fyrirlestra.
Frekari upplýsingar veitir:
Jón Knútur Ásmundsson, verkefnistjóri hjá Austurbrú.
Sími: 895 9982.
Netfang: This email address is being protected from spambots. You need JavaScript enabled to view it.
Heimasíða: www.austurbru.is