Brim dæmt til að greiða 3ja ára stéttarfélagsgjöld

Fyrirtækjum ber að draga stéttarfélagsgjald af launum starfsmanna og skila til þess stéttarfélags sem samningsaðild á um viðkomandi starf og félagssvæði. Þetta má lesa úr dómi er féll í héraðsdómi Reykjavíkru 29. janúar sl. Þetta gildir hvort heldur starfsmaðurinn er félagi verkalýðsfélagsins eða ekki því í kjarasamningi sem gerður hefur verið milli atvinnurekenda og verkalýðshreyfingarinnar er skýrt kveðið á um þessa skyldu. Því má bæta við að kjarasamningar verkalýðsfélaga eru í öllum tilfellum lágmarkskjarasamningar og tryggja öllum launþegur að lágmarki þau laun og önnur kjör er þar er um samið.

Samkvæmt dómnum sem kveðinn var upp í héraðsdómi Reykjavíkur var útgerðarfyrirtækið Brim dæmt til að greiða Félagi skiptstjórnarmanna ógreidd félagsgjöld vegna eins yfirmanna í 3 ár. Því geta kröfur sem þessar birst fyrirtækjum jafnvel fyrir mörg ár aftur í tímann og verður þeim þá ókleyft að innheimta af starfsmönnunum - enda innheimta og skil gjalda á ábyrgð fyrirtækjanna. Sjá dóminn