Kynningum á samningum AFLs við 8 undirverktaka á álverslóð er lokið. Flestir sem samningarnir taka til hafa haft tækifæri til að greiða atkvæði um þá á kynningarfundum en kjörfundur verður opinn á morgun, þriðjudaginn 25.maí að Búðareyri 1, Reyðarfirði. Kjörfundi lýkur kl. 16:00 og verða atkvæði talin kl. 17:00.
Verslunarmenn í AFLi samþykktu í rafrænni atkvæðagreiðslu verkfallsboðun. Kjörsókn var 33% og já sögðu 82,2%. Verkfallsaðgerðir verða sem hér segir.
Verkfall komi til framkvæmda sem hér segir:
| 28. maí og 29. maí |
Hópbifreiðafyrirtæki frá kl. 00:00 28. maí til kl. 24:00 29. maí |
|
| 30. maí og 31. maí |
Hótel, gististaðir og baðstaðir frá kl. 00:00 30. maí til kl. 24:00 31. maí |
|
| 31. maí og 1. júní |
Flugafgreiðsla frá kl. 00:00 31. maí til kl. 24:00 1. júní |
|
| 2. júní og 3. júní |
Skipafélög og matvöruverslanir frá kl. 00:00 2. júní til kl. 24:00 3. júní |
|
| 4. júní og 5. júní |
Olíufélög frá kl. 00:00 4. júní til kl. 24:00 5. júní |
|
| Ótímabundið allsherjarverkfall hefst kl. 00:00 þann 6. júní 2015 | ||
Eftirtalin félög og sambönd: VM- Félag vélstjóra og málmtæknimanna, Samiðn, MATVÍS, Rafiðnaðarsamband Íslands, Grafía –(FBM) stéttarfélag í prent- og miðlunargreinum og Félag hársnyrtisveina hafa ákveðið að boða til atkvæðagreiðslu um vinnustöðvun sem yrði með eftirfarandi hætti:
Tímabundið verkfall dagana 10. t.o.m 16. júní 2015 og
ótímabundið verkfall sem hefst þann 24. ágúst 2015.
Verði verkföllin samþykkt munu þau taka til þeirra félagsmanna sem falla undir almennan kjarasamning Samtaka atvinnulífsins og viðkomandi stéttarfélaga og sambanda. Þar með talið iðnaðarmenn í AFLi Starfsgreinafélagi utan þeirra sem starfa hjá ALCOA Fjarðaál eða falla undir nýgerða samninga um kjör hjá undirverktökum ALCOA.
Kosning um verkfallsheimild verður rafræn og mun hefjast þann 24. maí 2015 og ljúka þann 1. Júní 2015, kl 10.00
Fulltrúar iðnaðarmanna hafa átt í viðræðum við SA um endurnýjun kjarasamninga. Á fundi viðræðunefndar félaganna með fulltrúum SA þann 5. maí s.l. var sýnt að viðræðurnar væru árangurslausar og það hefði ekki tilgang að halda þeim áfram.
Í þeim viðræðum sem staðið hafa yfir hafa iðnaðarmannafélögin lagt áherslu á að minnka vægi yfirvinnu í heildarlaunum með því að hækka dagvinnulaun svo þau dugi til framfærslu. Mikil þörf er fyrir nýliðun í greinunum en núverandi launakerfi hafa skapað starfsumhverfi sem höfðar síður til ungs fólks.
í dag 6, maí tókust samningar milli AFLs Starfsgreinafélags og félagsmanna þess við 8 verktakafyrirtæki sem starfa sem undirverktakar ALCOA Fjarðaáls við Reyðarfjörð. Samningarnari voru gerðir í formi fyrirtækjasamninga með sameiginlegum rammsamningi sem AFL, SA og ALCOA Fjarðaál gerðu 21. apríl sl.
Samningarnir fara í kynningu í næstu viku - og atkvæðagreiðslna innan hvers fyrirtækis fyrir sig í kjölfarið.
Ákveðið hefur verið að fresta fyrirhuguðu verkfalli 10.000 félagsmanna aðildarfélaga Starfsgreinasambands Íslands dagana 19. og 20. maí. Að auki hefur ótímabundnu verkfalli sem átti að hefjast 26. maí verið frestað. Það er mat samninganefndar SGS að gefinn skuli tími til úrslitatilrauna í samningaviðræðum á þessu stigi málsins.
Með þessu axlar SGS ábyrgð á erfiðum kjaradeilum og gefur Samtökum atvinnulífsins tækifæri til að koma með tillögur sem hönd er á festandi áður en landið lamast í verkföllum og hér skellur á neyðarástand á vinnumarkaði.
Frestun verkfalla á þessu stigi málsins er framlag Starfsgreinasambandsins til skynsamlegra lausna á kjaradeilunni. Ljóst er að það verður að leysa málið og semja hvort sem það verður gert með verkfallsafli með ófyrirsjáanlegum afleiðingum eða með skynsemina að vopni. Boltinn er hjá Samtökum atvinnulífsins að nálgast skynsamar og ábyrgar kröfur Starfsgreinasambandsins.
Samninganefnd Starfsgreinasambandsins hefur því ákveðið eftirfarandi:
Verkföll sem áttu að koma til framkvæmdar 19. og 20. maí er frestað til 28. og 29. maí.
Ótímabundnu verkfalli sem átti að koma til framkvæmda 26. maí er frestað til 6. júní.
„Eftir tvær vikur hefjast verkföll af stærðargráðu sem við höfum ekki séð áður ef ekki tekst að semja. Þau munu hafa veruleg og víðtæk áhrif og það er mikið til vinnandi að afstýra slíku. Framlag Starfsgreinasambandsins í þessu samhengi er að gefa andrými næstu tvær vikurnar til að semja svo ekki þurfi að koma til þessara hörðu aðgerða.“ Segir Björn Snæbjörnsson formaður Starfsgreinasambandsins.
Trúnaðarráð hefur samþykkt tillögu stjórnar verslunarmannadeildar AFLs um að láta efna til leynilegrar allsherjaratkvæðagreiðslu um boðun verkfalls meðal félagamanna deildarinnar. Önnur aðildarfélög LÍV eru jafnframt að fara í atkvæðagreiðslur.
Atkvæðagreiðslan er rafræn og er aðgangur á heimasíðu LÍV www.landssamband.is. Kjörgögn verða póstlögð þann 12. maí með upplýsingum um hvernig á að bera sig að við atkvæðagreiðsluna. Atkvæðagreiðslan hefst kl. 09:00 þann 12. maí nk. og líkur kl. 12:00 á hádegi þann 19. maí.
