Fyrsti samningafundur milli Sambands Íslenskra sveitarfélaga og Starfsgreinasamanbandsins (SGS) var haldinn í vikunni, en AFL er með umboð sitt hjá SGS vegna endurnýjunar samninga við sveitarfélögin. Samningurinn rennur út í lok september

Á því borði er verið að ræða samning til skamms tíma líkt og gildir um aðra samninga félagsins.

Þar er jafnframt til úrlausnar sú stórundarlega ákvörðun bæjarstjórnar Hornafjarðar að skerða kjör félagsmanna sveitarfélagsins, en sveitarfélagið hefur eitt sveitarfélaga á landsvísu sagt upp sérákvæðum í kjarasamningi sem lofað var samhliða því að AFL fór inn í samræmdan kjarasamning sveitarfélaganna. Nái þetta fram að ganga munu skerðingarnar hafa mest áhrif á starfsfólk leikskólana.

Samningaviðræður við Samtök fyrirtækja í velferðarþjónustu er komin í þrot, en samtökin semja við AFL um kjör starfsmanna á hjúkrunarheimilinu Skjólgarði eftir að Vigdísarholt tók við rekstri þess af sveitarfélaginu. Á heimilinu gilda áfram kjör samkvæmt kjarasamningum við sveitarfélögin hjá þeim félagsmönnum sem voru við störf þegar Vigdísarholt tók við rekstrinum en nýir starfsmenn taka kjör eftir samningi AFLs við Vigdísarholt sem rann út í lok mars. Viðræður hafa staðið yfir að undanförnu, einkum þó eftir að gengið var frá kjarasamningi félagsins við Ríkið fyrir stuttu síðan og engum árangri skilað. Því hefur AFL vísað samningaviðræðum til ríkissáttasemjara.

Dvalarstyrkur er fjárstyrkur til barnshafandi foreldris sem er nauðsynlegt að mati sérfræðilæknis að dvelja fjarri heimili sínu í tengslum við nauðsynlega þjónustu vegna fæðingar barns, svo sem vegna fjarlægðar, færðar, óveðurs, verkfalls eða áhættumeðgöngu. Styrkurinn er greiddur eftir á.

Skilyrði dvalarstyrks:

• Réttur til dvalarstyrks er bundinn við barnshafandi foreldri sem á rétt á fæðingarorlofi eða fæðingarstyrk.
• Heimilt er að greiða dvalarkostnað barnshafandi foreldris fjarri heimili 14 dögum fyrir áætlaðan fæðingardag og fram að fæðingu
• Ef um fjölburameðgöngu er að ræða er heimilt að byrja að greiða dvalarkostnað 28 dögum fyrir áætlaðan fæðingardag og fram að fæðingu
• Ekki er greiddur dvalarstyrkur þann tíma sem barnshafandi foreldri dvelur á sjúkrahúsi eða heilbrigðisstofnun.

Greiðsla dvalarstyrks er innt af hendi eftir fæðingardag barns. Réttur til styrks fellur niður sex mánuðum eftir fæðingardag barns hafi umsókn ekki borist Vinnumálastofnun fyrir þann tíma.

Greiðslufjárhæð:

• Fjárhæð styrks miðast við sömu reglur og gilda um dagpeninga ríkisstarfsmanna á ferðalögum innanlands, gisting í einn sólahring er 20.400. 
• Dregin staðgreiðsla af dvalarstyrknum. Hægt er að nýta persónuafslátt. 

Upplýsingar og umsóknir hér, sérstakt vottorð frá lækni eða ljósmóður þarf að fylgja umsókninni.

Kjarasamningur SGS við ríkið, sem undirritaður var 15. júní sl., hefur verið samþykktur í rafrænni atkvæðagreiðslu meðal félagsmanna. Atkvæðagreiðslan stóð yfir dagana 16.-21. júní. Á kjörskrá voru 1.418 manns og af þeim kusu 344. Kjörsókn var því 24,26%. Já sögðu 318 (92,44%), nei sögðu 16 (4,65%) og 10 (2,91%) tóku ekki afstöðu.

Mynd úr safni AFLs

Í gær var skrifað undir nýjan kjarasamning við ríkið vegna stofnana þess.

Viðræður hafa staðið yfir í marga mánuði

Rafræn atkvæðagreiðsla hófst kl. 15:00 föstudaginn 16. júní, og mun ljúka kl. 9:00 miðvikudaginn 21. júní nk. Kosið er hér - Kosningarsíða 

Hægt er að nálgast allar helstu upplýsingar um samninginn hér

Haustið 2023 stefnir Austurbrú að því að fara af stað með með námsleiðina Samfélagstúlkur en það er hagnýt námsleið fyrir einstaklinga sem hafa áhuga á að taka að sér verkefni sem túlkar.

Gert er ráð fyrir að námið hefjist með staðlotu á Egilsstöðum eða Reyðarfirði  09. – 10. september. Kennslan fer fram á íslensku og gert er ráð fyrir að þátttakendur hafi gott vald á íslensku og a.m.k einu öðru tungumáli sem vinnutungumáli.

Í náminu verða 2 staðlotur á Egilsstöðum og/eða Reyðarfirði. Þá verður einnig kennslustundir á netinu á miðvikudögum frá kl. 17:30-20:30

Austurbrú vill  vekja athygli á þessari námsleið og hvetja fyrirtæki, stofnanir og sveitarfélög til að kynna námsleiðina fyrir sínu starfsfólki og hvetja til þátttöku. Kostnaður við námið er 43.000 kr. og geta einstaklingar og fyrirtæki sótt um endurgreiðslu á námskeiðsgjaldinu til sinna starfsmenntasjóða.

Skráning fer fram á heimasíðu Austurbrúar.