AFL Starfsgreinafélag mætir vel mannað á ársfund ASÍ á fimmtudag og föstudag því félagið á nú 22 fulltrúa af um 290 fulltrúum alls. Á síðsta ári áttu AFL - Starfsgreinafélag Austurlands, Verkalýðsfélag Reyðarfjarðar og Vökull Stéttarfélag alls 15 fulltrúa.
Kjaramálaráðstefnu Samiðnar lauk á Selfossi í dag. Á ráðstefnunni, sem sótt var af trúnaðarmönnum iðnaðarmanna á fjölmörgum vinnustöðum um land allt, fjallað var um áherslur í komandi kjarasamningum og starfsréttindi iðnaðarmanna.
Í stað þess að vera nú á leið heim til fjölskyldna sinna, verða Lettarnir 13 er dvelja á Egilsstöðum og hafa verið í skýrslutökum og vitnaleiðslum vegna ásakana í garð GT verktaka / Nordic Construction Line um um svik við launagreiðslur, verða þeir enn um sinn á landinu.
Lögreglan hefur lokið skýrslutökum af þeim 13 er kærðu fyrirtækin en óskar eftir að ræða frekar við mennina og bera undir þá einhver gögn sem aflað hefur verið.
Einn starfsmanna GT verktaka / Nordic Construction var laust fyrir háfleitt sl. nótt úrskurðaður í farbann í hálfan mánuð. Embætti ríkislögreglustjóra krafðist farbannsins en efnhagsbrotadeild lögreglunnar hefur tekið við rannsókn kærumála starfsmanna GT verktaka / Nordic Construction oog Vinnumálastofnunar á hendur þessum fyrirtækjum.
Mikið hefur verið um það síðustu daga að haft hefur verið samband við félgið, ýmist af elendu launafólki eða íslensku samstarfsfólki þess - vegna réttindamála erlendra á vinnumarkaði hér á landi. Rekur starfsfólk félagsins þetta m.a. til umfjöllunar um málefni GT-verktaka/Nordic Construction Line /GTVS
Í næstu viku fer allfjölmennur hópur Portúgalskra verkamanna er unnið hafa við byggingu Kárahnjúkavirkjunar síðustu 3 ár af landinu. Í tengslum við starfslok þeirra kemur verður yfirtrúnaðarmaður, Oddur Friðriksson, með fundi á svæðinu með Portúgölskum túlk í dag, föstudag og fram á laugardag.
