Stjórn AFLs Starfsgreinafélags skorar á sveitarfélögin, og þá sérstaklega sveitarfélögin á félagssvæðinu sem boðað hafa hækkanir á gjaldskrám að draga þær til baka, líkt og mörg sveitarfélög hafa boðað. Sveitarfélögin þurfa líkt og aðrir að axla ábyrgð á verðbólgunni. Þessa dagana standa öll spjót að launafólki að sýna hógværð og AFL krefst þess að atvinnurekendur, ríki og sveitarfélög taki þátt í þeirri vegferð.
Kjarasamningur hefur verið gerður milli AFLs Starfsgreinafélags og Metrostav vegna vinnu við gerð Norðfjarðarganga (concerning the tunneling of „Norðfjarðargöng). Um atriði sem kjarasamningurinn tekur ekki til gilda ákvæði almenns kjarasamnings AFLs og SA og Stórframkvæmdasamnings ASÍ við SA þar sem við á. On issues other than stipulated in this contact – the terms in AFL‘s general agreement with SA and the terms in ASÍ‘s Agreement with SA on „large projects“ – apply.
Sjá samning (see contract)
AFL Starfsgreinafélag hefur krafist sérstaks kjarasamnings um störf á vegum undirverktaka á athafnasvæði ALCOA Fjarðaáls frá því verksmiðjan tók til starfa. Þeirri kröfu hefur verið hafnað hingað til en nú hefur félagið vísað kröfunni sem sjálfstæðri vinnudeilu til ríkissáttasemjara. AFL Starfsgreinafélag lítur á athafnasvæði ALCOA Fjarðaáls sem sérstakt atvinnusvæði og að allir sem koma að starfssemi þar eigi að njóta sambærilegra kjara.
AFL gerði samkomulag við Lamb Inn, Öngulsstöðum Eyjafjarðarsveit. Aukast því gistimöguleikar félagsmanna sem leið eiga í Eyjafjarðarsveit.
Bóka þarf gistingu hjá Lamb Inn í síma 4631500, tilgreina að greitt verði með gistimiða, gistimiðann kaupir félagsmaður svo á næstu skrifstofu AFLs fyrir brottför.
Afl Starfsgreinafélag hefur gert samkomulag við Flugfélagið Erni um ódýr flugfargjöld fyrir félagsmenn milli Hornafjarðar og Reykjavíkur. Verð fyrir aðra leið er 8.000 krónur og er nafn félagsmanns ritað á miðann við kaup á honum. Miðarnir verða seldir á skrifstofum AFLs á Hornafirði og Djúpavogi frá og með 25. nóvember n.k.
