Þær breytingar verða á fyrirkomulagi við leiguíbúðir félagsins í Reykjavík frá áramótum að umsjónarfyrirtækið, Sólar - ræstingar, munu eftirleiðis skúra gólf og annast minni háttar hreingerningar eftir hverja leigu.  Félagsmenn eiga eftir sem áður að ganga frá rúmfötum í þvottakörfu, þrífa borð og bekki og henda öllu rusli í ruslageymslu og fjarlægja allar matarleyfar. Um leið og félagið bætir þannig þjónustu við félagsmenn sem dvelja í íbúðunum - verður og gengið harðar eftir að leigutakar virði umgengnisreglur og reglur um viðskilnað - og verður leigutökum gerður reikningur fyrir aukaverk sem til falla vegna lélegs viðskilnaðar.

Nýgerðir kjarasamningar verða afgreiddir í póstatkvæðagreiðslu hjá AFLi Starfsgreinafélagi.  Kjörgögn verða send út til þeirra félagsmanna sem hafa atkvæðisrétt um samningana - þ.e. þá sem starfa skv. samningum SGS, LÍV og Samiðnar. 

6. - 10. janúar verða haldnir vinnustaðafundir og almennir félagsfundir á flestum eða öllum þéttbýlisstöðum félagssvæðisins til að kynna innihald samninganna.  Vinnustaðir sem óska sérstaklega eftir heimsókn fulltrúa félagsins geta haft samband við næstu skrifstofu félagsins.

Aðalfundur sjómannadeildar AFLs Starfsgreinafélags verður haldinn að Búðareyri 1 Reyðarfirði laugardaginn 28. desember kl. 14:00

Dagskrá:
1. Skýrsla formanns um liðið starfsár
2. Kjaramál
3. Kosning stjórnar
4. Önnur mál

83% félagsmanna AFLs Starfsgreinafélags telja að verkalýðsfélög eigi að taka skýra afstöðu og jafnvel forystu í samfélagsmálum.  Þessi skoðun er jafnvel ákveðnari meðal félagsmanna Einingar - Iðju eða 86%.  Hins vegar eru félagsmenn ekki fylgjandi því að forystumenn verkalýðsfélaga gefi kost á sér til forystu í stjórnmálaflokkum.

Einungis 24% AFLs félaga og 31% Einingarfélaga eru hlynnt því að forystumenn verkalýðsfélaga gefi kost á sér til forystustarfa í stjórnmálaflokkum.