Niðurstaða liggur nú fyrir úr atkvæðagreiðslu sjómanna um kjarasamninginn milli SSÍ og SFS sem undirritaður var þann 24. júní síðastliðinn. Atkvæðagreiðslan var sameiginleg meðal félagsmanna aðildarfélaga Sjómannasambandsins. Á kjörskrá voru 1.739 og af þeim kusu 670 eða 38,5% þeirra sem voru á kjörskrá.
Niðurstaða atkvæðagreiðslunnar er eftirfarandi:
| Já sögðu | 223 | 33,3% |
| Nei sögðu | 445 | 66,4% |
| Auðir og ógildir | 2 | 0,3% |
| Samtals | 670 | 100,0% |
Í kjarasamningi milli aðildarfélaga ASÍ og SA frá 21. janúar 2016 var samið um hækkun mótframlag atvinnurekenda í lífeyrissjóð frá og með 1. júlí 2016. Í kjarasamningnum var kveðið á um þrepaskipta hækkun mótframlags atvinnurekenda í lífeyrissjóð og tók fyrsta breytingin gildi 1. júlí sl. Framlag atvinnurekenda í lífeyrissjóð hækkar og verður eftirfarandi:
Frá og með 1. júlí 2016 hækkaði því mótframlag launagreiðenda úr 8% í 8,5%. Þeir atvinnurekendur sem hafa ekki gert viðeigandi breytingar í launakerfum sínum nú þegar eru hvattir til að gera slíkt hið fyrsta
Þann 24. júní síðastliðinn var undirritaður kjarasamningur milli Sjómannasambands Íslands annars vegar og Samtaka fyrirtækja í sjávarútvegi hins vegar. Samningurinn er undirritaður með fyrirvara um samþykki aðildarfélaganna. Samkvæmt samningnum er síðast gildandi samningur framlengdur til 31. desember 2018 með þeim breytingum sem skrifað var undir þann 24. júní síðastliðinn.
Samningurinn gildir frá 1. júní 2016.
Hér má sjá samninginn, kynningarefni um samninginn og kaupskrá sem mun gilda verði samningurinn samþykktur. Atkvæðaseðlar hafa verið sendir út til félagsmanna AFLs ásamt kynningarefni. Mikilvægt er að sjómenn kjósi og að rétt sé gengið frá atkvæðinu. Með atkvæðaseðlinu komu tvö umslög. Annað er fyrir atkvæðaseðilinn en hitt er til að senda atkvæðið. Félagsmönnum er bent á að merkingin á ytra umslaginu er til að merkja við á kjörskrá félagsins og fjarlægi menn límmiðann verður atkvæðið ekki talið með. Þegar ytri umslögin hafa verið opnuð er öllum innri umslögunum blandað saman áður en þau eru opnuð svo kosningin er algerlega leynileg.
Talið er sameiginlega með öðrum sjómannafélögum innan ASÍ
AFL Starfsgreinafélag mun innheimta full laun fyrir alla sjálfboðaliða í atvinnulífi sem til okkar leita.
Sjálfboðaliðastörf í atvinnulífinueru alvarleg meinsemd. Og líkt og aðrar plágur breiðist þessi meinsemd hratt út. Vinna sjálfboðaliða í efnahagslegum tilgangi er misnotkun á fólki og vanvirðing við vinnumarkað og vinnandi fólk. Þetta er fóðrað með alls kyns jákvæðum skírskotunum – náms- og kynningarvinna og að gefa ungu fólki tækifæri til að skoða heiminn. En þegar málin eru skoðuð nánar er þetta ekkert annað en félagslegt undirboð – fólk sem ekki þarf að framfleyta sér sjálft gengur í kjarasamningsbundin störf upp á sportið og grefur þannig undan kjörum annarra. Sjálfboðaliðarnir taka fullan þátt en greiða ekki skatta og skyldur, eru ótryggð í trausti þess að velferðarkerfið okkar grípi þau ef þau veikjast eða slasast. Þau og fólkið sem hagnýtir sér vinnu sjálfboðaliðanna eru laumufarþegar á atvinnulífi – fá ókeypis far og láta aðra um að borga brúsann. sjá fréttabréfið í heild
Workers from the EEA-area – for workers and employers to take into consideration Equal Right
Frá og með 6. júní breytist fyrirkomulag á sölu afsláttarmiða á flugleiðinni Höfn – Rvík þannig að í stað flugávísunar fá félagsmenn AFLs afhentann bókunnarkóða.
Félagsmaðurinn sér síðan sjálfur um að bóka flugið á heimasíðu flugfélagsins www.ernir.is og þar þarf því að slá inn kennitölu félagsmannsins og bókunarkóðann til að greiða fyrir flugið.
Hægt verður að kaupa kóðann í gegnum síma og mun félagið taka við símgreiðslu kreditkorta fyrir flugmiða. Einnig verður hægt að millifæra andvirði miðans – en þá þarf félagsmaður að vera í sambandi við starfsmenn félagsins fyrst því senda þarf afrit greiðslukvittunar á þann starfsmann sem afgreiðir síðan kóðann.
Mjög mikilvægt er að millifæra ekki fyrst og hafa síðan samband við félagið – heldur byrja á að ná sambandi við starfsmann og fá netfang hans
Flugfélagið Ernir mun fyrstu dagana aðstoða félagsmenn án endurgjalds við að bóka flugferð með bókunnarkóða en um miðjan júní verður farið að taka bókunargjald og einnig gjald fyrir að breyta flugi. Þessi gjöld eru AFLi óviðkomandi.
Formannafundur Starfsgreinasambands Íslands haldinn í Grindavík dagana 2. og 3. júní 2016 fagnar breytingum Reykjavíkurborgar á útboðsskilmálum og verksamningum borgarinnar þar sem keðjuábyrgð yfirverktaka gagnvart undirverktökum er staðfest. Fundurinn hvetur önnur sveitarfélög, opinber fyrirtæki og opinberar stofnanir til að fara að fordæmi Reykjavíkurborgar og eins löggjafann til að innleiða keðjuábyrgð í lög.
Vinnumarkaðurinn á Íslandi er í örum vexti og mikil hætta á að hrakvinna ýmis konar þrífist við slíkar aðstæður. Aðildarfélög Starfsgreinasambands Íslands hafa stóreflt vinnustaðaeftirlit á sínum vegum og því ber einnig að fagna að aðrar eftirlitsstofnanir hafa gert slíkt hið sama: Ríkisskattstjóri, Vinnueftirlitið, Vinnumálastofnun og lögreglan. Samstarf á milli stofnana og verkalýðshreyfingarinnar hefur borið sýnilegan árangur. Betur má þó ef duga skal og kallar formannafundur eftir áhuga Samtaka atvinnulífsins og átaki stjórnvalda til að stemma stigu við hrakvinnu. Í því þarf að felast nægjanlegt fjármagn til viðeigandi eftirlitsstofnana, lagabreytingar varðandi keðjuábyrgð, skýr lög varðandi vistráðningar (AU-pair), uppræting ólöglegrar sjálfboðastarfsemi, stórefling úrræða vegna mansalsmála og bætt upplýsingamiðlun til erlends starfsfólks um réttindi sín og skyldur.
Drög að ályktun um ungt fólk innan SGS
