Búið er að gera upp nýtingu á orlofsíbúðum AFLs Starfsgreinafélags fyrir árið 2008 og verður að segjast að hún er með ágætum. Meðalnýting allra íbúða er 83,61% sem teljast verður allgott. Þá ber að geta þess að inni í þessu hlutfalli er tímabil sem notuð voru til viðhalds og viðgerða á íbúðunum og skekkir það myndina talsvert til lækkunar á leiguhlutfallinu.
Starfsgreinasamband Íslands hélt formannafund í gær þar sem m.a. var fjallað um ástand í efnahagsmálum og stöðu kjaramála en fyrir liggur að samkvæmt núgildandi kjarasamning eiga að koma til framkvæmda launahækkanir 1. mars.
Kynning á iðnnámi verður haldin í námsverinu að Búðareyri 1 á Reyðarfirði, litla molanum á morgun miðvikudaginn 4. febrúar kl. 13 – 15. Fulltrúar frá Fræðslusetrinu Iðunni, Rafiðnaðarsambandinu og Verkmenntaskólanum í Neskaupstað munu kynna hinar ýmsu iðngreinar og möguleika til náms. Allir sem hafa áhuga eru hvattir til þess að mæta.
AFL stóð fyrir kynningu á iðnnámi í námsverinu að Búðareyri 1 á Reyðarfirði í dag miðvikudaginn 4. febrúar. Nemendur úr 10. bekkjum grunnskólanna á svæðinu og nemendur úr ME og VA fjölmenntu á kynninguna. Hún tókst vel þrátt fyrir mikið fjölmenni, krakkarnir voru til fyrirmyndar og mjög áhugasamir um það sem fram fór.
